फलटण डॉक्टर आत्महत्या प्रकरणात पीएसआय गोपाल बदनेचा मोबाइल अद्याप सापडलेला नाही
बदनेने शरण येण्यापूर्वी मोबाइल लपवला असल्याची शक्यता व्यक्त
पोलिसांनी बदने आणि प्रशांत बनकर दोघांनाही अटक केली असून चौकशी सुरू
डिजिटल पुरावे आणि सीडीआर रेकॉर्ड तपासून नवा खुलासा होण्याची शक्यता
साताऱ्याच्या फलटण महिला डॉक्टर आत्महत्या प्रकरणात मोठी अपडेट समोर आली आहे. या प्रकरणात अटकेत असलेला पोलिस उपनिरीक्षक गोपाल बदने याचा मोबाइल पोलिसांना अद्याप सापडला नाही. गोपाल बदनेने मोबाइल लपवला असल्याची माहिती समोर आली आहे. त्याने पोलिसांपुढे शरण येण्यापूर्वीच मोबाइल लपवला असल्याचे सांगितले जात आहे. पोलिस सध्या बदनेची कसून चौकशी करत आहेत. या प्रकरणात गोपाल बदलने आणि प्रशांत बनकर या दोघांना पोलिसांनी अटक केली असून दोन्ही आरोपी सध्या पोलिस कोठडीत आहेत.
मिळालेल्या माहितीनुसार, फलटण पोलिसांना शरण येण्यापूर्वी गोपाल बदनेने त्याचा मोबाइल लपवला. गोपाल बदनेच्या मोबाइलचा पोलिसांकडून शोध घेतला जात आहे. मोबाइल कुठे ठेवला आहे याची माहिती पोलिस गोपाल बदनेकडून घेत आहेत. पीआय बदनेचा मोबाइल हा महिला डॉक्टर आत्महत्या प्रकरणातील महत्त्वाचा पुरावा आहे. तर दोन्ही आरोपींनी महिला डॉक्टरच्या संपर्कात असल्याची कबुली पोलिसांना देखील दिली आहे.
प्रशांत बनकर डॉक्टर महिलेच्या आत्महत्या करण्यापूर्वी देखील संपर्कात होता याचे डिजिटल पुरावे शोधण्यात पोलिसांना यश आले असल्याची माहिती सुत्रांनी दिली आहे. तर या प्रकरणातील दुसरा आरोपी प्रशांत बनकरला काही वेळाच न्यायालयात हजर करण्यात येणार आहे. या प्रकरणातील दोन्ही आरोपी आणि आत्महत्या केलेली डॉक्टर यांचे सीडीआर तपासले जात आहेत.
दरम्यान, राज्य महिला आयोगाच्या अध्यक्षा रुपाली चाकणकर यांनी सोमवारी फलटण येथील शासकीय रुग्णालयाला जाऊन भेट घेतली आणि त्यांनी या संपूर्ण प्रकरणाविषयची माहिती घेतली. यावेळी त्यांनी माध्यमांशी संवाद साधताना सांगितले होते की, 'जानेवारी ते मार्चदरम्यान डॉक्टर आणि पोलिस उपनिरीक्षक गोपाल बदने हे संपर्कात होते आणि त्यांचे अनेकदा बोलणं झालं होतं. त्यानंतर डॉक्टर आरोपी प्रशांत बनकरच्या संपर्कात होती. पोलिसांनी सीडीआर काढला आहे. त्यामुळे सुसाईड नोटमध्ये गोपाल बदने, प्रशांत बनकर यांची नावं आहेत. हे कधी आणि कुठे भेटले होते याचा देखील तपास केला जात आहे.'
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.