Parbhani News: परभणीत ज्येष्ठ नागरिकाने संपवली जीवनयात्रा; मन हेलावून टाकणाऱ्या घटनेनं अख्खं गाव हळहळलं

Parbhani Selu Taluka News Today

परभणी जिल्ह्यातून एक धक्कादायक घटना समोर आली आहे. एका ज्येष्ठ नागरिकाने शेत आखाड्यावर असलेल्या वडाच्या झाडाला गळफास घेऊन आपली जीवनयात्रा संपवलं. सेलू तालुक्यातील देवगावफाटा परिसरात गुरुवारी (१ फेब्रुवारी) पहाटेच्या सुमारास ही घटना घडली. विठ्ठल मुरारी मोरे (वय ६०) असं मृत व्यक्तीचे नाव आहे. (साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

मिळालेल्या माहितीनुसार, विठ्ठल मोरे आपल्या कुटुंबासहित देवगावफाटा (Parbhani News) गावापासून काही अंतरावच असलेल्या स्वतः च्या शेतातील शेतआखाड्यावर राहत होते. काबाडकष्ट करून ते कुटुंबाचा उदनिर्वाह करीत होते. बुधवारी नेहमीप्रमाणे ते शेतातून काम करून घरी आले.

रात्रीच्या जेवणानंतर विठ्ठल आणि त्यांचे कुटुंबीय झोपी गेले. गुरुवारी पहाटे कुटुंबियांना विठ्ठल मोरे आढळून आले नाहीत. त्यांनी शोधाशोध घेतली असता, घरासमोरच असलेल्या वडाच्या झाडावर त्यांचा मृतदेह आढळून आला. (Latest Marathi News)

घरातील कर्ता व्यक्तीच जग सोडून गेल्याने कुटुंबातील सदस्यांनी हंबरडा फोडला. मोरे यांच्या आत्महत्येची माहिती परिसरात वाऱ्यासारखी पसरली. गावकऱ्यांनी या घटनेची माहिती पोलिसांना दिली. पोलिसांनी तत्काळ घटनास्थळी धाव घेत मृतदेह ताब्यात घेतला.

विठ्ठल मोरे अत्यंत कष्टकरी शेतकरी होते. गावात कुठल्याही व्यक्तींसोबत त्यांचा वाद नव्हता त्यांच्या मनमिळावू स्वभावाने गावातील अनेकांची त्यांच्यासोबत मैत्री होती. दरम्यान, मोरे यांनी इतकं टोकाचं पाऊल का उचललं असावं? अशी चर्चा गावभर सुरू होती.