Professor Fight : पोरा-टोरानंतर शिक्षकांचा प्रताप, उपप्राचार्य-प्राध्यापकामध्ये हाणामारी, 'चाय पे चर्चा' असताना बिनसलं; Video

परभणी : परभणीतील गंगाखेड शहरातील सर्वात जुन्या नामांकित अशा संत जनाबाई महाविद्यालयात काल गुंडांना ही लाजवणारी घटना घडली. महाविद्यालयीन उपप्राचार्य डॉ. दयानंद उजळंबे आणि वरिष्ठ प्राध्यापक आर. जी. लड्डा यांच्यामध्ये फ्री स्टाईल तथा लाथा बुक्यांनी जोरदार हाणामारी झाली.

महाविद्यालयाच्या आवारात उपाहार गृहातच चाय पे चर्चा दरम्यान हा प्रकार घडला. सोबतच्या प्राध्यापकांनी मध्यस्थी केल्याने पुढील प्रसंग टळला. कडक शिस्तीसाठी प्रसिद्ध असलेल्या महाविद्यालयातील प्राध्यापकांकडून झालेल्या या हाणामारीची जोरदार चर्चा संपूर्ण परिसरात सुरू आहे. तिथेच असलेल्या विद्यार्थांनी याचा व्हिडिओ काढत व्हायरल केला आहे.