Panvel: वाढीव मालमत्ता कर रद्द करा; पनवेल महापालिकेवर नागरिकांचा माेर्चा

- सिद्धेश म्हात्रे

नवी मुंबई : पनवेल (panvel) महापालिकेने गेल्या पाच वर्षात कोणत्याही प्रकारची विकासकामे न करता दुपटीपेक्षा अधिक मालमत्ता कराची नोटीस पाठविल्याने ग्रामस्थ संतप्त झालेत. सेवा नाही तर कर नाही अशी भूमिका घेत ग्रामस्थांनी वाढीव मालमत्ता कर रद्द करण्याच्या मागणीसाठी आज (शुक्रवार) पनवेल महापालिकेवर (panvel muncipal corporation) मोर्चा काढला. (navi mumbai latest marathi news)

महापालिका अस्तित्वात आल्यावर गावांना ग्रामपंचायतीच्या दरानुसार मालमत्ता कर आकारले जाईल असे आश्वासन देण्यात आले होते. मात्र त्याकडे महापालिका प्रशासनाने दुर्लक्ष करत अवाच्यासवा मालमत्ता कर आकारल्याने संतप्त ग्रामस्थांनी वाढीव मालमत्ता कर रद्द करण्याची मागणी केली आहे.

नवी मुंबई (navi mumbai) ९५ गावे नैना व इतर प्रकल्पग्रस्त समितीच्या वतीने हा मोर्चा काढण्यात आला मात्र खारघर पोलिसांनी खारघर मधेच या मोर्चेकऱ्यांना ताब्यात घेत हा मोर्चा दडपण्याचा प्रयत्न केला. यापुढील आंदोलन अधिक तीव्र स्वरूपात करण्यात येईल असा इशारा नगरसेवक रवींद्र भगत यांनी दिला.

Edited By : Siddharth Latkar