Pandharpur Wari: पाऊले चालती पंढरीची वाट! ज्ञानेश्वर महाराजांच्या पालखीचा मुक्काम कोणत्या दिवशी कुठे असणार? संपूर्ण दिनक्रम वाचा

पंढरीची वाट चालली वारकऱ्यांची माळ...” संत ज्ञानेश्वर माऊलींच्या पालखी सोहळ्याचा २०२५ सालचा आषाढी वारी मार्ग निश्चित झाला आहे. १९ जून रोजी आळंदीहून निघणारी पालखी, प्रेम, भक्ती आणि हरिपाठ घेऊन १० जुलै रोजी पंढरपूरात श्रीविठोबाच्या चरणी विसावणार आहे. सासवड, जेजुरी, लोणंद, फलटण, माळशिरस, वाखरी – अशा भक्तिरसात न्हालेल्या गावांमधून माऊलींचा रथ जात राहील. पावसाच्या सरी, टाळमृदंगाचा गजर, "ज्ञानोबा-तुकाराम" चा जयघोष आणि दिंड्यांचा महासागर – या वातावरणात ३०० किलोमीटरचा प्रवास पूर्ण होणार आहे. २१ जुलै रोजी पालखी परतीची वाट धरून आळंदीत परत येणार आहे. या वारीच्या निमित्ताने पुन्हा एकदा महाराष्ट्र श्रद्धेने न्हावून जाणार आहे.

पालखी सोहळ्याचा दिनक्रम (Dnyaneshwar Maharaj Palkhi daily route date wise)

१९ जून २०२५ रोजी पालखीचा मुक्काम गांधी वाडा, आळंदी येथे प्रस्थान करणार आहे. २० जून रोजी पालखी आळंदीवरुन निघून भवानी पेठ पुणे येथे जाणार आहे. तिथे ते रात्रीचा मुक्काम घेणार आहेत. २२ जून रोजी पालखी पुण्यातून निघणार आहे. दुपारचा मुक्काम हा हडपसर येथे होणार आहे. त्यानंतर रात्रीचा मुक्काम सासवड येथे होणार आगे. २४ जून रोजी हा मुक्काम जेजुरीला होणार आहे.यानंतर २८ जून रोजी पालखीचा मुक्काम फलटण येथे असणार आहे.

३० जून रोजी पालखीचे प्रस्थान नातेपुते येथे होणार आहे. १ जुलै रोजी पालखी माळशिरस येथे मुक्काम करणार आहे. ४ जुलै रोजी पालखी वाखरी येथे मुक्कासाठी थांबणार आहे. यानंतर ५ जुलै रोजी पालखी पंढरपुरला पोहचणार आहे. ६ जुलै रोजी चंद्रभागा येथे स्नान केले जाणार आहे. त्यानंतर पालखी १० जुलै रोजी परतीच्या प्रवासासाठी परत निघणार आहे.

पंढरीच्या विठुरायाला भेटण्याची ओढ

दरवर्षी लाखोंच्या संख्येने वारकरी आपल्या विठुरायाच्या भेटीच्या ओढीने जातात. विठुरायाला कधी एकदा भेटेन असं त्यांच्या मनात सुरु असतं. २०-२१ दिवसांची पायवारी करत ते आपल्या विठुरायाला भेटतात तो दिवस म्हणजे आषाढी एकदाशीचा (Aashadi Ekadashi). आषाढी एकादशी हा दिवस वारकऱ्यांसाठी एखाद्या सणापेक्षा कमी नसतो. या दिवशी लोक चंद्रभागेत स्नान करतात. त्यानंतर विठुमाऊलीचे दर्शन घेतात.