Ranjitsinh Naik Nimbalkar : शरद पवारांनी देवेंद्र फडणवीस यांच्याविरोधात नेरिटीव सेट केला; माजी भाजप खासदाराचा आरोप

पंढरपूर : लोकसभा निवडणुकीमध्ये शरद पवारांनी जातीयवादाचे विष पेरून उपमुख्यमंत्री देवेंद्र फडणवीस यांच्या विरोधात नेरिटीव सेट करण्याचे काम केल्याचा आरोप माजी खासदार रणजीत सिंह नाईक निंबाळकर यांनी केला आहे.

रणजितसिंह नाईक निंबाळकर (Pandharpur)) हे आज पंढरपूर येथे सुरू असलेल्या धनगर समाज आंदोलनाला पाठिंबा देण्यासाठी आले होते. यावेळी त्यांनी माध्यमांशी संवाद साधताना शरद पवार (sharad Pawar) आणि रामराजे नाईक निंबाळकर यांच्यावर निशाणा साधला. तसेच लोकसभा निवडणूक जिंकण्यासाठी शरद पवारांनी जातीयवादाचे विष पेरून कुटिल राजकारण केले. इंग्रज गेले असले, तरी शरद पवार त्यांचे जोडे घालून आज फिरतात. कुटनितीचे राजकारण करत आहेत. तोडा फोडा आणि जोडा ही निती वापरून त्यांनी समाजासमाजामध्ये जातीयतेचे विष पेरण्याचे काम करत असल्याचा आरोप देखील त्यांनी केला.

मोक्का लागलेल्यांसोबत रामराजे नाईक निंबाळकर बसतात  
फलटण शहरातील सर्व खुनी रामराजे यांच्या सोबत फिरतात. दहशतवादी, मोक्का कारवाई झालेले आरोपी, हफ्ते घेणारे सर्वजण त्यांच्यासोबत बसत असतात. शहरात दरोडा पडला आणि त्यातील वाटणी घेण्यास देखील ते मागेपुढे पाहत नाहीत; अशी जहरी टिका रणजितसिंह नाईक निंबाळकर यांनी केली.