बंडखोर खासदारांविरोधात ठाकरेसेना आक्रमक, नांदेड विमानतळावर जोरदार घोषणाबाजी

खासदार संजय राऊत यांनी ऑपरेशन टायगरला प्रत्युत्तर म्हणून आपण ऑपरेशन तुडवा राबवणार असल्याचं म्हटलं होतं. आता त्याची झलक राज्यातील ठिकाठिकाणी पाहायला मिळत आहे. आज सहा खासदारांनी शिंदे गटात प्रवेश केल्यानंतर ठाकरे गटातील कार्यकर्ते आक्रमक झालेत. नांदेड विमानतळावर कार्यकर्त्यांकडून बंडखोर खासदारांविरुद्धात घोषणाबाजी केली जात आहे.

याआधी भिवंडीत शिवसेना उद्धव बाळासाहेब ठाकरे पक्षाच्या वतीने पक्षातून फुटलेल्या सहा खासदारांच्या निषेधार्थ ‘जोडे मारो’ आंदोलन करण्यात आले. आज मु्ंबईत बंडखोर खासदारांनी शिंदे गटात प्रवेश केला. त्यानंतर नागेश पाटील आष्टीकर, संजय जाधव आणि संजय देशमुख हे तिन्ही खासदार नांदेड विमानतळावर उतरणार आहेत. त्याआधी ठाकरे गटाच्या कार्यकर्ते तेथे जमले असून त्यांच्याकडून जोरदार घोषणाबाजी करण्यात येत आहे. 'गद्दार गद्दार' असे पोस्टर हातात घेऊन ठाकरे सेनेचे कार्यकर्ते घोषणा देत आहेत.