Aurangabad : औरंगाबाद (Aurangabad) शहरात बसमधून डोके बाहेर काढल्याने जखमी झालेल्या मुलाचा रुग्णालयात मृत्यू झाला आहे. या दुर्देवी घटनेत मृत्यूमुखी पडलेल्या मुलाचं नाव ओंकारेश्वर पंडित आहे अशी माहिती घाटी रुग्णालयातून (hospital) मिळाली. (Maharashtra News)
औरंगपुरा ते साजापूर या मार्गावर धावणा-या औरंगाबाद महानगरपालिकेची सिटी बसमधून ओंकारेश्वर प्रवास करीत हाेता. ताे बसच्या मागील सीटावर बसला होता. ड्रायव्हर बस मागे घेत असताना ओंकारेश्वरने खिडकीतून डाेकं बाहेर काढलं. त्यामुळे एका मोठ्या खांबाला त्याचे डोकं आपटलं. त्याच्या डोक्याला जबर लागला. तो गंभीर जखमी झाला.
बस चालकाला अपघात झाल्याचे लक्षात येताच त्याने बस थांबवली. त्यानंतर मुलाला रिक्षात टाकून घाटी रुग्णालयात दाखल केले. उपचारावेळी ओंकारेश्वरचा मृत्यू झाला. ताे येथील एसबी शाळेत इयत्ता नववीत हाेता. त्याच्या मृत्यूनं मित्र परिवारास माेठा धक्का बसला.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
