Building Collapsed : जळगावात जुनी इमारत कोसळली; ढिगाऱ्याखाली महिला अडकली, बचावकार्य सुरु

जळगाव : जळगाव शहरातील  शिवाजी नगरातील मस्जिद समोर असलेली एक जुनी इमारत अचानक (Jalgaon) कोसळली. आज सकाळी नऊ वाजेच्या सुमारास हि दुर्घटना घडली असून या (Building Collapsed) इमारतीखाली एक महिला अडकली असून तिला बाहेर काढण्यासाठी युद्ध पातळीवर बचावकार्य सुरू आहेत. (Live Marathi News)

जळगाव शहरातील शिवाजीनगरातील अमर चौकाजवळील मस्जिद समोर असलेली एक जुनी इमारत आज सकाळी ९ वाजेच्या सुमारास अचानक इमारत कोसळली. या इमारतीच्या खाली दोन महिला अडकल्या होत्या. दरम्यान, लागलीच बचावकार्य सुरू केल्याने राजश्री सुयोग पाठक (वय ५२) यांना बाहेर काढण्यात यश आले आहे. तर आणखी एक महिला अडकलेली असून बचाव कार्य सुरु आहे. इमारत जीर्ण झाली असल्याने यात जास्त रहिवास नव्हता अशी माहिती स्थानिक नागरिकांकडून मिळाली आहे.

बचाव कार्य व नागरिकांची गर्दी
इमारत कोसळताच मोठा आवाज झाला. या आवाजामुळे नागरिक धावत सुटले. यामुळे घटनास्थळी नागरिकांची मोठी गर्दी जमली आहे. पोलिसांना घटनेची माहिती मिळताच घटनास्थळी तत्काळ दाखल होत बचाव कार्य सुरु केले आहे.