Murtijapur News : अकाेला जिल्ह्यात वादळी वा-यासह पाऊस, घराची भिंत अंगावर कोसळून वृद्ध महिलेचा मृत्यू

- हर्षदा सोनोने

Akola News : अकोला जिल्ह्यात वादळी वाऱ्यासह पाऊस (akola rain) पडत असल्याने जनजीवन विस्कळीत हाेत आहे. दरम्यान पावसामुळे जून्या घरांचे नुकसान हाेत आहे. मूर्तिजापूर तालुक्यातल्या माना पोलिस स्टेशन अंतर्गत येणाऱ्या नवसाळ येथे एका वृद्ध महिलेचा राहत्या घराची भिंत कोसळल्याने मृत्यू झाला. (Maharashtra News)

पाेलिसांकडून मिळालेल्या माहितीनूसार नवसाळ येथील लिलाबाई जानराव रोकडे (वय ७५, राहणार नवसाळ) या घरात गाढ झोपेत हाेत्या. पावसामुळे त्यांच्या घराची भिंत अंगावर पडून त्यांचा जागीच मृत्यू झाला.

या घटनेची स्थानिकांनी सकाळच्या सुमरास माहिती दिली. राेडके यांचा मृतदेह भिंतीखाली दबलेल्या अवस्थेत बाहेर काढण्यात आला. माना पोलिस (police) ठाण्याचे ठाणेदार सुरज सुरोसे यांनी घटनास्थळी भेट दिली.

Edited By : Siddharth Latkar