Latur News : लातूर शहराला पाणीपुरवठा करणाऱ्या हरंगुळ येथील जलशुद्धीकरण केंद्रावर तांत्रिक बिघाड झाला आहे. मनपाने दुरुस्तीचे काम हाती घेतले आहे. दरम्यान जोपर्यंत दुरुस्ती पूर्ण होत नाही, तोपर्यंत लातूर (Latur) शहराचे पाणी पूऱवठा बंद राहणार आहे.
लातूर शहराला पाणीपुरवठा करणाऱ्या मांजरा प्रकल्पात गेल्या दोन-तीन वर्षांपासून शंभर टक्के पाणीसाठा होत आहे. त्यामुळे मुबलक पाणी आहे. परंतु मनपाच्या पाणी (water) वितरण व्यवस्थेत दोष आहेत. वारंवार दुरुस्तीसाठी पाणीपुरवठा बंद ठेवावा लागतो. कधी हरंगुळ येथील शुद्धीकरण केंद्रावर बिघाड होतो. तर कधी धनेगाव धरणातील उगम क्षेत्रामध्ये बिघाड होतो.
त्यामुळे लातूर शहरवासीयांना पाणीपुरवठ्याच्या (Latur Water Supply) गैरसोयीला सामोरे जावे लागते. महिन्याभरापूर्वीच हरंगुळ येथील जलशुद्धीकरण केंद्रावर तांत्रिक बिघाड झाला होता. त्यापूर्वी मांजरा धरणावर उगम क्षेत्रात वीज मोटारी बिघाड झाला. (Maharashtra News)
त्यामुळे व्यत्य आला होता. आताही जलशुद्धीकरण केंद्रावर बिघाड झाला आहे. त्यामुळे किमान दोन-तीन दिवस पाणीपुरवठा (water supply) बंद राहण्याची शक्यता आहे. लातूर शहरासाठी मांजरा प्रकल्पावरून दररोज ४५ ते ५० एमएलडी पाणी उचलले जाते. त्यानंतर हरंगुळ येथील जलशुद्धीकरण केंद्रावर शुद्धीकरण होऊन शहरातील जलकुंभावरून पाणी वितरण होते. यंदा मुबलक पाणी असूनही अडथळे आहेत.
Edited By : Siddharth Latkar
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
