Ajit pawar : 288 जागांचा सर्व्हे करणार? आमदार परत गेले तर नव्यांना संधी देऊ; विधानसभेसाठी अजित पवारांची तयारी सुरू

आगामी विधानसभा निवडणुकीसाठी अजित पवार गट कामाला लागला आहे. आगामी विधानसभा निवडणुकीसाठी अजित पावर यांची राष्ट्रवादी 288 जागांचा सर्व्हे करणार आहेत. 2019 च्या निवडणुकीत राष्ट्रवादीला 54 जागा मिळाल्या होत्या आणि त्या जागा राष्ट्रवादीकडे राहणार आहेत. या सर्व्हेत 288 जागांमध्ये ज्या ठिकाणी राज्यामध्ये राष्ट्रवादीचे उमेदवार आघाडीवर असतील, त्या जागांवर दावा करण्यात येणार आहे. अजित पवार गटाचे नेते प्रफुल्ल पटेल यांनी साम टीव्हीसोबत अनौपचारिक गप्पांमध्ये ही माहिती दिली आहे.

पक्ष सोडून जाण्याचा जे आमदार विचार करत आहेत, त्यांना अजित पवार यांनी इशारा दिला आहे. जे पक्ष सोडून जातील त्यांच्या जागी नवी टीम तयार करणार, असा इशारा अजित पवार यांनी दिला आहे.

याचबद्दल बोलताना अजित पवार म्हणाले की, ''प्रत्येकजण आता आपापल्या परीने सर्व्हे करतील. तिघांचे सर्व्हे (महायुती) समोर ठेवले जातील. जे दोन सर्व्हे एका बाजूला ठेवले जातील, त्याला ती जागा मिळणार.''

दरम्यान, प्रफुल्ल पटेल अनौपचारिक गप्पांमध्ये म्हणाले आहेत की, ''अजित पवारांची राष्ट्रवादी 288 जागांचा सर्व्हे करणार आहे. 2019 मध्ये राष्ट्रवादीनं जिंकलेल्या 54 जागा राष्ट्रवादीकडेच असणार आहेत. सर्व्हेमध्ये ज्या जागांवर उमेदवार आघाडीवर असेल त्या जागांवर दावा करणार आहे.''

अजित पावर काय म्हणाले?

यावरच अजित पवार म्हणाले आहेत की, ''आमदार परत गेले तर नव्यांना संधी देऊ. दुसरी माणसं तयार करू. आमच्याकडे अनेक नवीन उमेदवार आहेत. रायगडमध्ये भाजपची मतं आम्हाला मिळाली आहेत. मतं ट्रान्सफर होत नाही म्हणणं चुकीचं.''