सुशील थोरात
Ahmednagar News : अहमदनगर शहरात शनिवारी रात्री उशीरा राष्ट्रवादी काँग्रेसच्या पदाधिकाऱ्यावर प्राणघातक हल्ला झाला. यामध्ये राष्ट्रवादीचा कार्यकर्ता अंकुश चत्तर हा अजूनही मृत्यूची झुंज देत आहे. एका खाजगी रुग्णालयात त्याच्यावर उपचार सुरू आहेत.
अहमदनगर शहरात गेल्या काही दिवसांपासून खून आणि मारामारीचे प्रकार वाढले आहेत. त्याचप्रमाणे मंगळसूत्र चोरी आणि दिवसाढवळ्या नागरिकांना लुटण्याचे प्रकारही वाढले आहेत. अहमदनगर शहरासह जिल्ह्यातील कायदा सुव्यवस्था ढासळली असल्याचा आरोप राष्ट्रवादी काँग्रेसचे आमदार संग्राम जगताप यांनी केला आहे.
दोन महिन्यात एक खून आणि जीवे मारण्याचा प्रयत्न करण्याच्या गंभीर घटना आणि इतर छोट्या मोठ्या मारामाऱ्या रोजच होत आहेत. अशा गुंडांवर पोलिसांचा धाक उरला नसल्याचा आणि पोलिसांवरही कोणाचा दबाव राहिला नाही, असा आरोप संग्राम जगताप यांनी केला आहे. (Political News)
गृह खात्यावर हल्लाबोल करताना अवैद्य व्यवसायातून गुंडागर्दी पोचली जात आहे. पोलिसांचा धाक उरला नाही. याबाबत राज्यातील वरिष्ठ नेत्यांकडे समक्ष भेटून तक्रार करणार असल्याचे आमदार संग्राम जगताप यांनी सांगितले आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.