बीड: पावसाळी अधिवेशनात मुख्यमंत्री एकनाथ शिंदे (Eknath Shinde) आणि राष्ट्रवादीचे आमदार धनंजय मुंडे यांच्यात आरोप-प्रत्यारोप पाहायला मिळाले. मुख्यमंत्री शिंदे यांनी सभागृहात धनंजय मुंडे यांच्यावर टीका करत असताना करुणा मुंडे यांना उद्देशून टीका केली होती, यावर आता माजी मंत्री आमदार धनंजय मुंडे यांनी प्रत्युत्तर दिले आहे.
धनंजय मुंडे (Eknath Shinde) म्हणाले, संघर्ष माझ्या पाचवीलाचं पूजलेला आहे, राजकीय, कोविड यासह अनेक संकटे माझ्यावर आली आहेत. मात्र, तुम्ही माझ्यासोबत आहात, म्हणून जगात मी कुणालाही भीत नाही, असं म्हणत सभागृहात मुख्यमंत्र्यांनी केलेल्या टोलेबाजीला धनंजय मुंडेंनी परळीत नाथ प्रतिष्ठानच्या कार्यक्रमामध्ये राहत इंदोरी यांचा शेर बोलत प्रत्युत्तर दिले.
"राहमें खतरे कितने भी हो, लेकिन ठहेरता कौन है.. मौत कल आती है आज आजा ये, अरे डरता कौन है..तेरे लष्कर के मुकाबले अकेला हू मै.. मगर फैसला मैदान मे होगा, मरता कौन है, असं म्हणत धनंजय मुंडेंनी (Eknath Shinde) मुख्यमंत्री शिंदे एकनाथ शिंदे यांना प्रत्युत्तर देत थेट आव्हान दिले आहे.
ते पुढे म्हणाले की, माझी आपल्याला कळकळीची फक्त एवढीच विनंती आहे, आपण सत्तेत असू नसू लोकांच्या अनेक टीकेला मी तोंड दिले आहे. संघर्ष जीवनात माझ्या पाचवीलाच पूजला आहे. ज्या -ज्या वेळेस माझ्यावर संकट आले, त्या संकटांमध्ये माझे ज्या- ज्या वेळेस हात पाय गळत होते त्यावेळेस मला प्राण म्हणून माझ्या जिवात जीव म्हणून ज्या कुणामुळे येत होता तो फक्त या समोरच्या माझ्या मायबाप जनतेमुळे येत होता, असं म्हणत धनंजय मुंडे (Eknath Shinde) यांनी परळीकरांना भावनिक साद देखील घातली.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.