Sharad Pawar In Kolhapur: शरद पवारांचे 'ते' वक्तव्य हसन मुश्रीफांना बाेचले? नेत्याच्या भेटीला सीमा भागातील शिष्टमंडळ दाखल

- रणजीत माजगावकर

Sharad Pawar News : राष्ट्रवादी काॅंग्रेसचे नेते शरद पवार हे कोल्हापूर जिल्हा दौऱ्यावर आहेत. पवार यांच्या दौऱ्याचा आजचा दुसरा दिवस आहे. पवार यांच्या भेटीला आज सीमा भागातील शिष्टमंडळ कोल्हापूरात दाखल झाले आहेत. (Maharashtra News)

सीमा प्रश्न संदर्भात शरद पवार यांच्यासोबत महत्त्वाची चर्चा करण्यासाठी आलाे आहाेत अशी माहिती सीमावासियांनी साम टीव्हीशी बाेलताना नमूद केले. दरम्यान पवार हे काेल्हापूर जिल्ह्यातील विविध शिष्ट मंडळ आणि कार्यकर्त्यांची देखील भेट घेणार आहेत.

त्यांनतर शरद पवार हे दुपारच्या सुमारास टाऊन हाॅल येथील राजर्षी छत्रपती शाहू महाराजांच्या समाधीस्थळी अभिवादन करतील. दुपारी साडे तीन वाजता महासैनिक दरबार हॉल येथे आयोजिलेल्या हिंदू मजदूर संघ या कार्यक्रमास त्यांची उपस्थिती राहणार आहे.

मुश्रीफ आज त्या विधानावर बाेलतील?

काेल्हापूरात शुक्रवारी शरद पवार यांनी सभेतील भाषणात हसन मुश्रीफ यांना टार्गेट केले. मुश्रीफ हे ईडीला घाबरले (Hasan Mushrif Fears Of ED Says Sharad Pawar) असे पवारांनी म्हटलं. यामुळे मुश्रीफ आज पवारांच्या विधानावर काय बाेलणार का याकडे राजकीय वर्तुळाचे लक्ष लागून राहिले आहे.

Edited By : Siddharth Latkar