Politics : राष्ट्रवादी काँग्रेसला होम ग्राऊंडवर मोठा धक्का; कट्टर तटकरे समर्थकांसह शेकडो कार्यकर्त्यांचा शिवसेनेत प्रवेश

सचिन कदम, साम टीव्ही

राष्ट्रवादी काँग्रेसचे प्रदेशाध्यक्ष सुनील तटकरे यांना होम ग्राऊंड कोलाडमध्ये मोठा धक्का बसला आहे. सुनील तटकरे समर्थकांनी शेकडो कार्यकर्त्यांसह शिवसेनेत प्रवेश केला आहे. खंदे समर्थकांच्या शिवसेना पक्षप्रवेशामुळे रायगडमधील राजकीय वर्तुळात चर्चांना उधाण आलं आहे.

मंत्री भरत गोगावले यांनी खासदा सुनील तटकरे यांचं होम ग्राऊंड कोलाड येथे राष्ट्रवादील जोरदार धक्का दिला. तटकरे यांचे खंदे समर्थक माजी सरपंच सुरेश महाबळे आणि चंद्रकांत लोखंडे या प्रमुख राष्ट्रवादी कार्यकर्त्यांनी शेकडो कार्यकर्त्यांसह शिवसेनेत जाहीर प्रवेश केला. कोलाडच्या नाक्यावर जाहीर सभा घेत हा प्रवेश सोहळा पार पडला.

'कोलाड बदलतोय, असे बॅनर लावत यावेळी मान्यवरांसहित प्रवेशकर्त्यांनी खासदार सुनील तटकरे, मंत्री आदिती तटकरे, माजी आमदार अनिकेत तटकरे यांच्यावर घराणेशाही, विकास या मुद्द्यांवर कडाडून टीका केली. मंत्री भरत गोगावले यांच्या प्रमुख उपस्थितीत आमदार महेंद्र दळवी, उपजिल्हा प्रमुख प्रमोद घोसाळकर, रोहा तालुका प्रमुख मनोज शिंदे यांच्या प्रमुख उपस्थितीत हा पक्ष प्रवेश सोहळा पार पडला.

मंत्री भरत गोगावलेंची राष्ट्रवादीवर टीका

मंत्री भरत गोगावले यांनी मुंढवा जमीन प्रकरण, धनंजय मुंडे यांच्यावर झालेल्या आरोपावरूनही मंत्री भरत गोगावले यांनी टीका केली. यावेळी जशी करणी, तशी भरणी या म्हणीची आठवण गोगावले यांनी करून दिली. जो जसं करेल, तसं भोगेल; मग आम्ही का असो ना... असं म्हणत आरोपांचं समर्थन केलं.