Devgad Jamsande Nagar Panchayat : काेकणातून 'मविआ' ला दूसरा दणका; NCP च्या मिताली सावंत BJP च्या गाेटात

- विनायक वंजारे

Mla Nitesh Rane News : राष्ट्रवादी काँग्रेसच्या विद्यमान उपनगराध्यक्ष मिताली सावंत यांनी सत्ताधारी ठाकरे सेना व राष्ट्रवादी गटातून बाहेर पडत असल्याचे पत्र जिल्हाधिकाऱ्यांना दिले आहे. यामुळे देवगड जामसंडे नगरपंचायतीत सत्तांतर झाल्याचे पाहायला मिळत आहे. दरम्यान आज सकाळी लांजा येथे शिंदे गटाने ठाकरे गटाच्या पुर्वा मुळे यांच्यावरील अविश्वास ठराव 13- 0 ने जिंकला. त्यामुळे आज शिंदे गटासह भाजपने मविआला दाेन माेठे धक्के दिल्याची चर्चा सुरु आहे.

(Maharashtra News)

राष्ट्रवादी काँग्रेसच्या नगरसेविका मिताली सावंत (ncp corporator mitali sawant) यांनी भाजपला समर्थन दिल्यामुळे देवगड जामसंडे नगरपंचायत मध्ये भाजपाचे 8 आणि मिताली सावंत असे एकूण 9 तर शिवसेनेचे 7 असे बलाबल झाले आहे.

शिवसेना (shivsena) ठाकरे गटाचे रोहन खेडेकर हे नगरसेवक दोनच दिवसांपुर्वी पदाचा दुरुपयोग करून अनधिकृत बांधकाम केल्या प्रकरणात अपात्र ठरल्यामुळे देवगड जामसंडे नगरपंचायत मध्ये भाजपाचे 8 आणि सत्ताधारी सेना राष्ट्रवादी गटाचे 8 असे बलाबल झाले होते.

मात्र आता राष्ट्रवादीच्या मिताली सावंत यांनी सेनेच्या गटाची साथ सोडत भाजपला समर्थन दिल्यामुळे देवगड जामसंडे नगरपंचायत मध्ये भाजपाची सत्ता आली आहे. यासर्व नाट्यमय घडामोडीत कणकवली- देवगड मतदार संघाचे आमदार नितेश राणे हे किंग मेकर ठरले आहेत.

Edited By : Siddharth Latkar