नाशिक, ता. ८ ऑगस्ट २०२४
राज्याच्या राजकारणात विधानसभा निवडणुकांचे वारे वाहू लागले आहेत. विधानसभा निवडणुकांसाठी महायुती- तसेच महाविकास आघाडीमधील सर्वच पक्षांनी जोरदार मोर्चेबांधणी सुरू केली आहे. आजपासून राष्ट्रवादी काँग्रेस अजित पवार गटाच्या जन सन्मान यात्रेला सुरुवात होणार असून उपमुख्यमंत्री अजित पवार नाशिकमधून विधानसभेचे रणशिंग फुंकणार आहेत.
याबाबत सविस्तर माहिती अशी की, राष्ट्रवादी काँग्रेस अजित पवार गटाच्या जनसन्मान यात्रेला आजपासून सुरूवात होणार आहे. पक्षाचे राष्ट्रीय अध्यक्ष अजित पवार, कार्याध्यक्ष प्रफुल्ल पटेल, प्रदेशाध्यक्ष सुनील तटकरे आणि मंत्री छगन भुजबळ यांच्यासह सगळे मंत्री, आमदार, पदाधिकार्यांच्या उपस्थितीत दिंडोरीतून या यात्रेची सुरुवात होणार आहे.
आगामी विधानसभा निवडणुकीच्या पार्श्वभूमीवर जन सन्मान यात्रेच्या माध्यमातून लोकांपर्यंत पोहचण्याचा अजित पवारांचा प्रयत्न असेल. यावेळी अजित पवार यांच्या हस्ते नाशिकच्या काळाराम मंदिरात पूजा होणार आहे.
नाशिकच्या काळारामाचे दर्शन घेऊन अजित पवार विधानसभेचे रणशिंग फुंकणार आहेत. जनसन्मान यात्रेच्या निमित्ताने नाशिक दौऱ्यावर असतानाअजित पवार हे काळारामाचे दर्शन घेणार असून मोदी ,गडकरी, उद्धव ठाकरे, राज ठाकरे यांच्यानंतर आता अजित पवार विधानसभा निवडणुकीच्या अगोदर काळारामाचे दर्शन घेणार आहेत.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.