Navneet Rana : पुरुष मतदार २ वाजेपर्यंत पार्ट्या करतील, महिला मतदार इमानदार; नवनीत राणांचं पुरुषाबद्दल वादग्रस्त विधान

अक्षय गवळी,अकोला प्रतिनिधी

Navneet Rana controversial speech in Akot municipal elections : माजी खासदार नवनीत राणा यांनी पुरुषाबद्दल एक वादग्रस्त विधान केलंये. राणा अकोला जिल्ह्यातील अकोटमध्ये भाजपच्या प्रचारसभेत बोलत होत्याय. नगरपरिषद निवडणुका सुरु आहे. आता खूप पार्ट्या, कार्यक्रम होणार आहेत. पुरुष मतदार हा अनेक पार्ट्यांमध्ये जातोये, आणि रात्री 2 किंवा 3 वाजता घरी परततो. मात्र, या तुलनेत महिला मतदार खूप इमानदार राहते, अन एकनिष्ठ राहतात. कारण, बायका कधीही कुणाच्या पैशाला बळी पडत नाही, आणि कधीही कुणाच्या पार्टीत न जाण्याची त्यांची भूमिका राहते. 'ती' चटणी भाकर खाणार, पण शेवटच्या श्वासापर्यंत घराला घर बनवणार, असं विधान नवनीत राणांनी केलंय. त्यामूळे पुरूष मतदारांना नवनीत राणांनी आरोपीच्या पिंजऱ्यात उभं केलंय का?, हा प्रश्न यातून निर्माण होतोय.

पुन्हा 'बटेंगे तो कटेंगे' और 'एक रहेंगे तो सेफ रहेंगे'चा नारा चर्चेत

दरम्यान, विधानसभा निवडणुकीत भाजपनं राज्यात 'बटेंगे तो कटेगे'चा नारा दिला होता. यावर विरोधकांनी मोठी टिका करीत रान उठवलं होतं. मात्र, विरोधकांना लोकसभेत मुस्लिम मतांचं मिळालेलं दान समोर ठेवून हा मुद्दा विधानसभेत प्रतिष्ठेचा केला. राज्यात अनेक ठिकाणी भाजपनेही मुस्लिमांना उमेदवारी दिलेली असतांना नवनीत राणांनी परत अकोटच्या सभेत 'बटेंगे तो कटेगे'चा नारा दिलाय. त्यामुळे भाजप नगरपालिका निवडणुकीच्या शेवटच्या टप्प्यात पुन्हा 'बटेंगे तो कटेंगे' मुद्द्याला हवा देण्याचा प्रयत्न यातून करतेय का?, असा प्रश्न यातून निर्माण झालाय. 'इसबार ना कटना है, ना बटना है'... 'एक रहेना और सेफ भी रहेना है'. हे ताकद दाखवतायेत, आता आपल्यालाही ताकद दाखवण्याची वेळ आल्याचं विधान राणांनी केलंये..

नवनीत राणांचं थेट राहुल गांधीना आव्हान...

दरम्यान, याच अकोटच्या नगरपालिका प्रचार सभेत नवनीत राणांनी काँग्रेसनेते राहूल गांधींना थेट चॅलेंज'च दिलंय. राहूल गांधींनी संविधानाचं पुस्तक हाती न घेता संविधानातील कलमं सांगून दाखवावी, असं त्या म्हणाल्यात. असं राहूल गांधींनी केलं तर आपण राजकारण सोडू देऊ, असं आव्हान राणांनी राहूल गांधींना दिलंये.

दरम्यान, पुढं बोलतांना म्हणालेय की राहुल गांधी संविधानाच्या नावाखाली देशाची दिशाभूल करत होते. त्यामूळ माझ्यासारख्या लोकांचा कमी मतांनी पराभव झालाय. आता मतचोरी झाल्याचा मुद्दा म्हणता मग तेव्हा माझ्यासारखे लोक पराभूत कसे झालेत, असा सवाल राणांनी उपस्थित केलाय. पुढं बोलतांना म्हणालेत की 'किसीसे भी लढना लेकिन रामजी के साथ मत लढना'. मी फक्त छत्रपती शिवाजी महाराज आणि बाबासाहेब आंबेडकरांना मानते. दरम्यान, बाकी कुणाला मी मोजणारी नाही, असे किती आले आणि गेले. किती येतील आणि जातील. जर पाकिस्तानने राम मंदिराकडं बोट दाखवले तर त्यांची बोटं कापून टाकणार, असं विधानही राणा यांनी केलेये.