Navi Mumbai News: खदानीच्या पाण्यात पोहण्यासाठी गेलेल्या तरुणाचा मृत्यू

नवी मुंबई : तुर्भे इंदिरानगर येथील खदानीत पोहण्यासाठी गेलेल्या २२ वर्षीय तरुणाचा बुडून मृत्यू झाल्याची (Navi Mumbai) घटना समोर आली आहे. रविवारी सायंकाळी हि घटना घडली असून हिमांशू म्हात्रे असे मृत तरुणाचे नावं आहे. (Live Marathi News)

बनकोडे गाव कोपरखैरणे (नवी मुंबई) येथील रहिवाशी असलेला हिमांशू म्हात्रे रविवारी सुट्टी असल्याने सायंकाळी साडेसहाच्या सुमारास इंदिरानगर तुर्भे येथील खदानीमध्ये पोहण्यासाठी गेला होता. पोहत असतांना त्याला पाण्याचा अंदाज न आल्याने त्याचा बुडून मृत्यू झाला. 

दरम्यान अंधार झाल्यामुळे शोधकार्य न करता आज पहाटेपासून ठाणे आपत्ती प्रतिसाद दलाच्या जवानांकडून शोधकार्य सुरु करण्यात आले होते. साधारण एक तासांच्या प्रयत्नानंतर खदानीच्या पाण्यात बुडालेल्या मुलाचा मृतदेह बाहेर काढण्यात आला.