Nashik Crime: दारूचे पैसे मागितल्याच्या रागातून कामगाराला मारहाण; घटना सीसीटीव्हीमध्ये कैद

तबरेज शेख 
नाशिक : दारू घेतल्यानंतर त्याचे पैसे मागितले. याचा राग आल्याने चौघांनी मिळून कामगारास मारहाण केल्याची घटना (Nashik) नाशिक- पुणे महामार्गावरील शिवाजीनगर येथील कॅपिटल वाईन शॉपमध्ये घडली. कामगारास मारहाण करत दगड मारून जखमी केल्याची संपूर्ण घटना (CCTV) सीसीटीव्ही कॅमेरामध्ये कैद झाली आहे. (Tajya Batmya)

रवींद्र बहादूर नामदेव असे मारहाण झालेल्या कामगाराचे नाव आहे. शिवाजीनगर परिसरातील दिपनगर परिसरातील कॅपिटल वाईन शॉपमध्ये रवींद्र विजय बहादूर नामदेव हा युवक कामाला आहे. सोमवारी सायंकाळी साडेसातच्या सुमारास रवींद्र हा दुकानात काम करत असताना चार जण दारू घेण्यास आले. यावेळी रवींद्र याने त्यांना दारूच्या बाटल्या काढून दिल्यानंतर पैसे मागितले. (Crime News) पैसे मागायला इतकी घाई का करतो? असे त्या चौघा युवकांनी बोलल्याने रवींद्र याने काउंटरवर ठेवलेल्या दारूच्या बाटल्या पुन्हा दुकानात ठेवून दिल्या. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

बाटल्या परत उचलून नेल्याने त्याचा राग आल्याने चौघे युवक जबरदस्ती दुकानात घुसले. यानंतर शिवीगाळ करत त्यांनी रवींद्र व त्याच्यासोबत काम करणारा सोनुकुमार कनोजिया यांना मारहाण केली. दुकानाचे व्यवस्थापक विक्रमजीत सिंग यांना दुकानाबाहेर काढून दिले. याप्रकरणी उपनगर पोलीस ठाण्यात गुन्हा दाखल करण्यात आला आहे.