नाशिक : शहरातील रस्त्यावर मोकाट कुत्रे आणि जनावरांचा त्रास वाढत आहे. रस्त्याने पायी जाणाऱ्यांवर हल्ले केल्याच्या घटना सातत्याने घडत आहेत. अशीच घटना नाशिकच्या कळवणमध्ये घडली असून मोकाट जाणारांनी केलेल्या हल्ल्यात एका वृद्धाचा मृत्यू झाला आहे. तर एकजणाची जनावरांनी केलेल्या हल्ल्यातून सुटका केली. मात्र तो इसम देखील गंभीर जखमी झाला आहे.
नाशिकच्या कळवण शहरात हि धक्कादायक घटना घडली आहे. या घटनेत भालचंद्र मालपुरे असे मृत झालेल्या वृद्धाचे नाव आहे. दरम्यान भर रस्त्यात दोन मोकाट जनावरांचे भांडण सुरु होते. या भांडणात चवताळलेल्या जनावरांनी रस्त्याने पायी जाणाऱ्या दोन जणांवर हल्ला चढविला. सुरुवातीला दुचाकीने खाली उतरलेल्या एका वृद्धावर या जनावरांनी हल्ला केला. यावेळी आजूबाजूच्या नागरिकांनी जनावरांना दूर पांगवत वृद्धाला बाजूला नेले.
जनावरांना हटकणाऱ्या वृद्धावरच हल्ला
दरम्यान जनावरांनी हल्ला केलेल्या वृद्धाला बाजूला केल्यानंतर काही जणांनी काठी व दगड मारत या दोन्ही जनावरांना बाजूला हटकण्याचा प्रयत्न केला. यावेळी एका वृद्धाने दगड मारला असता या जनावरांनी त्यांच्यावरच हल्ला चढविला. या मोकाट जनावरांनी शिंगावर उचलून पायाखाली तुडवल्याने वृद्धाचा मृत्यू झाला आहे. तर एक जण जखमी झाला आहे. दरम्यान संपूर्ण घटना सीसीटीव्ही कॅमेरात कैद झाली आहे.
मोकाट कुत्रे, जनावरांचा त्रास कायम
दरम्यान शहरातील रस्त्यांवर मोकाट जनावरे आणि कुत्र्यांचा त्रास कायमचा झाला आहे. रस्त्याच्या मधोमध जनावरे बसत असल्याने वाहनधारकांना त्रास सहन करावा लागतो. तर यामुळे बऱ्याचदा अपघात देखील झाले आहेत. तसेच मोकाट कुत्र्यांचा त्रास हा कमी नसून दुचाकीच्या मागे धावून हल्ला करणे तसेच पायी जाणाऱ्यांवर देखील मोकाट कुत्रे हल्ले करत आहे. या घटना दिवसेंदिवस वाढत आहेत.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
