Saptasrhungi Gad: सप्तशृंगी देवीच्या भाविकांसाठी महत्त्वाची बातमी; गडावरील रोपवे दोन दिवसांसाठी बंद

नाशिक : साडेतीन शक्तीपीठ पैकी अर्धपीठ असलेल्या सप्तशृंगी गडावर भाविकांच्या सोयीसाठी रोपवे (Nashik) तयार करण्यात आलेला आहे. मंदिरात जाण्यासाठी असलेला हा फ्युनिक्युलर रोपवे दोन दिवस बंद राहणार आहे. यामुळे (Saptashrungi Gad) भाविकांना दोन दिवस पायऱ्या चढून गडावर देवीच्या दर्शनाला जावे लागणार आहे. (Maharashtra News)

नाशिक जिल्ह्यातील साडेतीन शक्तिपीठांपैकी अर्धपीठ असलेल्या सप्तशृंगी गडावर भाविकांची मोठी गर्दी होत असते. या गडावर येणाऱ्या भाविकांसाठी २०१८ मध्ये फ्युनिक्युलर ट्रॉलीचा प्रारंभ करण्यात आला आहे. या फ्युनिक्युलर रोपवेमुळे भाविकांना लवकर दर्शनासाठी गडावर जात येणे शक्य होत असते. सप्तशृंगीच्या दर्शनासाठी येणारे वृद्ध, दिव्यांग, महिला, रुग्ण भाविक, तसेच लहान मुलांना सहजपणे दर्शन घेण्याची सशुल्क सुविधा प्राप्त झाली आहे. 

दोन दिवस राहणार बंद 

मंदिरात जलद जाता- येता यावे, या दृष्टीने भाविक रोपवेचा वापर अधिक प्रमाणात करत असतात. दरम्यान, १३ व १४ सप्टेंबर असे दोन दिवस रोपवेच्या पूर्व नियोजित तांत्रिक देखभाल व दुरुस्तीसाठी रोपवे बंद ठेवण्यात येणार आहे. या दोन दिवसात भाविकांना पायऱ्यानीच वर चढावे लागणार आहे. मात्र शुक्रवार (१५ सप्टेंबर) रोपवेची सेवा पूर्ववत केली जाणार आहे.