Nashik Dengue Viral : नाशिक शहराला डेंग्यूचा डंख; २७ रुग्णांचा अहवाल पॉझिटीव्ह

नाशिक : नाशिक शहराला डेंग्यूच्या आजारानं विळखा घातला आहे. महिनाभरात डेंग्यूच्या (Dengue) रुग्णांची संख्या सातत्याने वाढत असून पालिकेच्या रुग्णालयांमध्ये दररोज ३० हून अधिक डेंग्यू सदृश्य रुग्ण (Nashik) तपासणीसाठी येत आहेत. यात २१६ पैकी २७ रुग्णांचे अहवाल पॉझिटीव्ह आल्याने आरोग्य विभागाची चिंता वाढलीय. (Maharashtra News)

पावसामुळे ठिकठिकाणी पाण्याचे डबके साचत असल्यानं डासांची उत्पत्ती वाढली आहे. त्यामुळे डेंग्यूच्या आजाराच्या रुग्णसंख्येत वाढ होतेय. खाजगी रुग्णालयात डेंग्यूसाठी रॅपिड अँटीजेन टेस्ट केली जात असली तरी ही साईड टेस्ट असल्याने रुग्णाला डेंग्यूसदृश आजाराची लागण असल्याच समजल जात. यातील एलायाझा टेस्ट पॉझिटिव्ह आल्यास डेंग्यूची लागण झाल्याची नोंद होते; अशी माहिती नाशिक पालिका वैद्यकीय अधिकारी डॉ. नितिन रावते यांनी दिली. 

आकडा अधिक असण्याची शक्यता 

शासकीय रुग्णालयांपेक्षा खासगी रुग्णालयात उपचार घेणाऱ्यांची संख्या अधिक असल्याने रुग्णांचा आकडा मोठा असण्याची शक्यता वर्तविली जात आहे. नागरिकांनी आठवड्यातून एक दिवस ड्राय डे पाळून घरातील भांडी रिकामी करून ठेवावी आणि पाण्याचे भांडे स्वच्छ झाकून ठेवावे, संशयित रुग्णांनी घाबरून न जाता तत्काळ उपचार घेण्याच आवाहन महापालिकेच्या वैद्यकीय विभागाने केले आहे.