Accident: नाशिकमध्ये अपघाताचा थरार! एसटी बसने बापलेकाला चिरडलं, मुलाच्या डोळ्यासमोर वडिलांनी सोडले प्राण

• नाशिकच्या येवला-नांदगाव रोडवर भीषण अपघात

• भरधाव एसटी बसने दुचाकीला धडक दिली

• अपघातामध्ये वडील आणि मुलगा गंभीर जखमी झाले

• वडिलांनी मुलाच्या डोळ्यासमोर प्राण सोडले

अजय सोनवणे, मनमाड

नाशिकमध्ये एसटी बसच्या धडकेत एकाचा मृत्यू तर एक जण गंभीर जखमी झाल्याची घटना घडली. भरधाव एसटी बसने दुचाकीला धडक दिली. दुचाकीवरून प्रवास करणारे बापलेक रस्त्यावर पडले. एसटीच्या चाकाखाली चिरडून वडिलांचा जागीच मृ्त्यू झाला. तर मुलगा गंभीर जखमी झाला आहे. या अपघाताचा तपास पोलिस करत आहेत. मुलाच्या डोळ्यासमोर वडिलांनी प्राण सोडले. या घटनेमुळे हळहळ व्यक्त केली जात आहे.

मिळालेल्या माहितीनुसार, नाशिकच्या येवला-नांदगाव रोडवर ही अपघाताची घटना घडली. सोमठाणा जोश गावाजवळील हनुमान पाटी परिसरात भरधाव एसटी बस आणि दुचाकी यांच्यात भीषण अपघात झाला. एसटी बसने दुचाकीला धडक दिली. या अपघातात दुचाकीवरील वडील आणि मुलगा गंभीर जखमी झाले होते. या अपघातात गंभीर जखमी झालेल्या वडिलांचा जागीच मृत्यू झाला. मुलाला गंभीर अवस्थेत उपचारासाठी रुग्णालयात दाखल करण्यात आले आहे. या अपघाताचा पुढील तपास येवला तालुका पोलिस करत आहे.

अहिल्यानगरमध्ये बसला भीषण अपघात -

अहिल्यानगर - संभाजीनगर महामार्गांवर भीषण अपघात झाला. लग्नाचे वऱ्हाड घेऊन जाणारी बस जेऊर परिसरात उलटली. लक्झरी बस रस्त्याच्या कडेला उलटल्यामुळे अनेक जण जखमी झाले. या बसमधून २५ ते ३० प्रवासी प्रवास करत होते. हे सर्व प्रवासी किरकोळ जखमी झाले आहेत. सुदैवाने या अपघातात जीवितहानी झाली नाही. खरवंडीवरून लग्न समारंभ उरकून लक्झरी बस पुण्याच्या दिशेने चालली होती. जेऊर परिसरातील डिव्हायडरवर अचानक बस आढळून रस्त्याच्या कडेला उलटली.