Manmad News : नायलॉन मांज्यामुळे सात वर्षीय मुलगा गंभीर जखमी; बंदी असतांनाही सर्रास वापर

अजय सोनवणे 

मनमाड (नाशिक) :नाशिक शहर व जिल्ह्यात  नायलॉन मांजा वापर व विक्रीवर बंदीचे आदेश पोलीस प्रशासनाने (Manmad) काढले आहेत. असे असताना त्याचा वापर होत असल्याचे समोर आले आहे. येवला तालूक्यात नायलॉन मांज्यामुळे एक सात वर्षीय मुलगा गंभीर जखमी झाल्याची घटना घडली आहे. (Live marathi News)

मल्हार नितीन राऊत असे जखमी झालेल्या मुलाचे नाव आहे. मल्हार हा चांदगाव येथून आजोबांसोबत दुचाकीवरुन येत होता. या दरम्यान कटलेल्या पतंगाचा नायलॉन मांजा त्याच्या गळ्याला अडकल्याने गळ्यापासून तोंडापर्यंत त्याला खोल जखम झाली आहे. (Nashik)  त्याला तातडीने येवला शहरातील खाजगी रुग्णालयात दाखल करण्यात आले असून त्याच्यावर उपचार करण्यात आले. जखम मोठी असल्याने चाळीस टाके घालण्यात आले आहेत.

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

तरीही मांजाचा वापर 

मकर संक्रांतीला पतंग उडविण्यासाठी नायलॉन मांजाचा मोठ्या प्रमाणात वापर केला जात असतो. या पार्श्वभूमीवर (Police) पोलीस प्रशासनाकडून मांजा वापर व विक्री करण्यावर बंदी घालण्यात आली आहे. असे आढळून आल्यास थेट गुन्हा दाखल करण्याचे आदेश आहेत. असे असताना देखील विक्री होत असून त्याचा वापर देखील होत असल्याचे आजच्या घटनेवरून दिसून येत आहे.