Nashik News : मुलभूत सुविधा नसल्याने मतदानावर बहिष्कार टाकण्याचा इशारा; ग्रामस्थांचे तहसीलदारांना निवेदन

अजय सोनवणे 

मनमाड (नाशिक) : आजही अनेक गवे अशी आहेत; जेथे मूलभूत सुविधा मिळत नाही. लोकप्रतिनिधींकडे समस्या मांडून देखील उपयोग होत नाही. अशाच (Nashik) नाशिकच्या नांदगाव तालूक्यातील जामदरीच्या खडके वस्तीवर असलेल्या मूलभूत सुविधांसाठी येथील नागरिकांनी मतदानावर (Election) बहिष्कार टाकण्याचा इशारा दिला आहे. तसे निवेदन देखील प्रशासनाला दिले आहे. (Breaking Marathi News)

नाशिक जिल्ह्यातील नांदगाव (Nandgaon) तालुक्यातील जामदरीच्या खडके वस्तीवरील आदिवासी जनतेला गेल्या ३५ वर्षां पासून मूलभूत सुविधा मिळत नाहीत. खडके वस्तीवर साधारण तीनशे ते चारशे आदिवासी राहतात. मात्र वस्तीवर दळणवणासाठी रस्ता नाही, पिण्याचे पाणी मिळत नाही, शिक्षणाची सुविधा नाही. त्यासाठी जंगलातून, पाण्यातून जीव मुठीत घेऊन जावे लागते. जातीचे दाखले मिळत नसल्याने शबरीमाता घरकुल योजनेचा लाभ मिळत नाही. अशा विविध सोयी अभावी खडके वस्ती वंचित आहे. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

तहसीलदारांना निवेदन 

आमच्या मागण्यांकडे कोणी लक्ष देत नसल्याने येत्या (Lok Sabha Election) लोकसभा निवडणुकीत मतदानावर बहिष्कार टाकण्याचा इशारा दिला आहे. या सुविधांकडे लक्ष देण्यासाठी येथील आदिवासी बांधवांनी दिंडोरी लोकसभेच्या मतदानावर बहिष्कार टाकण्याचा इशारा तहसिलदारांना निवेदन देऊन केला आहे.