'मी अवतारी, तू मागील जन्माची अप्सरा'; लग्नाचं आमिष दाखवत महिलेचं लैंगिक शोषण; अशोक खरातविरुद्ध तिसरा गुन्हा दाखल

नाशिकमधील भोंदू बाबा अशोक खरातचे नव-नवीन खुलासे बाहेर येत आहेत. अशोक खरातच्या विरुद्ध तिसरा गुन्हा दाखल करण्यात आला आहे. नाशिकच्या सरकारवाडा पोलीस ठाण्यात पीडित महिलेच्या तक्रारीनंतर खरातविरुद्धात गुन्हा दाखल करण्यात आला आहे. पीडिता खरातपासून र्गभवती राहिल्याचं सांगण्यात येत आहे.

महिलांना आपल्या जाळ्यात ओढून त्यांचं लैगिंक शोषण करणाऱ्या अशोक खरातला चांगलाच खाकीचा दम धाकवला. नाशिक पोलिसांचा पॅटर्न राज्यभरात चर्चेत आहे. आज खरातला नाशिक पोलिसांनी त्याची झलक दाखवली. पोलीस कोठडीत असलेल्या भोंदू बाबाकडून पोलिसांनी 'नाशिक जिल्हा कायद्याचा बालेकिल्ला' वधवून घेतलं.

दरम्यान नाशिकच्या सरकारवाडा पोलिस ठाण्यात अशोक खरात विरुद्धात तिसरा गुन्हा दाखल झाला आहे. पीडितेने तदिलेल्या तक्रारीनुसार खरात हा तिला लग्नाचा आमिष दाखवत तिच्यासोबत शारिरीक संबंध प्रस्थापित करत असायचा. ही पीडिता लग्नाच्या आधीपासून त्याच्याकडे जात होते. त्यानंतर तिचा विवाह झाल्यानंतर ती महिला संसारात वाद होत असल्यानं भोंदू खरातकडे दोष निवारणासाठी जात होती.

तेव्हा अशोक खरातने तिच्या परिस्थितीचा गैरफायदा घेत तिच्यासोबत लगट करण्यास सुरुवात केली. तिचा विश्वास संपादन केल्यानंतर तिच्यासोबत शारीरिक संबंध प्रस्थापित केली. यादरम्यान पीडित महिला गर्भवती राहिली होती. आपलं पितळ उघड पडू नये म्हणून खरातने गर्भपात करण्यासाठी महिलेला औषधही दिलं होतं. खरातने २०२७ पीडित महिलेला तिच्यासोबत लग्न करण्याचे आश्वासन दिले होते.

'मी अवतारी पुरुष आहे, तू मागील जन्माची अप्सरा, मला त्रिकाळ ज्ञान आहे, असं सांगत खरात विश्वास संपादन करत होता. तुझा घटस्फोट लिखित आहे, तू मागील जन्मातील अप्सरा आहे, मी भविष्य जाणतो, खरात पीडितेला सांगायचा. माझे नशिबात दोन विवाह आहे, तू माझेशी विवाह कर, मी तुला व तुझे मुलांना चांगल्या प्रकारे सांभाळेल, असं खरातने आश्वासन दिलं होतं.