Nashik Saptashrungi Ghat Latest News: नाशिककरांसाठी अत्यंत महत्वाची बातमी आहे. सप्तशृंगीगड घाट रस्ता आज वाहतुकीसाठी बंद ठेवण्याचा निर्णय प्रशासनाकडून घेण्यात आला आहे. आपत्ती व्यवस्थापन अधिनियमाखाली कळवणचे सहाय्यक जिल्हाधिकारी विशाल नरवाडे यांनी हे आदेश जारी केले आहेत.
मागील आठवड्यात सप्तशृंगीगड घाटात एसटी बसला अपघात (Bus Accident) होऊन बस दरीत कोसळली होती. ही अपघातग्रस्त बस आज दरीतून बाहेर काढली जाणार आहे. त्यामुळे सप्तशृंगीगड घाट सकाळी १० वाजेपासून ते काम संपेपर्यंत बंद ठेवण्यात येणार आहे.
त्यामुळे सप्तशृंगीगड ते नांदुरी (Nashik News) आणि नांदुरी ते सप्तशृंगीगडाकडे जाणारी वाहतूक आज सकाळी १० वाजेपासून बंद राहणार आहे. अपघातग्रस्त बस बाहेर काढल्यानंतर रस्त्यावरील वाहतूक पूर्ववत होईल, असं प्रशासनाकडून सांगण्यात आलं आहे.
मागील आठवड्यात १२ जुलै रोजी सप्तशृंग गडावरील गणपती टप्प्याजवळ बस कोसळली होती. या अपघातात बसमधील एक महिला प्रवाशाचा मृत्यू झाला होता. तर चालक वाहक यांच्यासह २२ जण जखमी झाले होते. बुलढाणा जिल्ह्यातील खामगाव आगाराची ही बस होती.
दरम्यान, अपघातग्रस्त बस दरीतून बाहेर काढण्यासाठी राज्य परिवहन मंडळाच्या कळवण आगार व्यवस्थापनाने परवानगी मागितली होती. राज्य परिवहन मंडळ ही बस दरीच्या बाहेर काढण्याची कार्यवाही करणार आहे. अपघातग्रस्त वाहन काढल्यानंतर रस्त्यावरील वाहतूक पुन्हा सुरु होईल असं सांगण्यात आलं आहे.
Edited by - Satish Daud
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
