वाद शमेना; राणे सर्मथकांनी लावलेले स्वागत फलक फाडले

सिंधुदुर्ग : केंद्रीय मंत्री नारायण राणे हे उद्यापासून (ता. २७) पुन्हा जन आशीर्वाद यात्रेस प्रारंभ करीत आहेत. त्या अनुषंगाने भारतीय जनता पक्ष आणि राणे समर्थकांनी खारेपाटण येथे तसेच राष्ट्रीय महामार्गावर राणेंच्या स्वागतासाठी फलक welcome banner of minister narayan rane उभे केले आहेत. हे स्वागताचे फलक बुधवारी मध्यरात्री फाडण्यात आले आहेत. आज (गुरुवार) सकाळी राणे समर्थकांच्या हे निदर्शनास आले आहे.

दरम्यान हे फलक काेणी फाडले याचा थांगपत्ता लावला जावा अशी मागणी राणेंच्या समर्थकांची आहे. गेले तीन दिवस सिंधूदुर्ग जिल्ह्यात सातत्याने राणे समर्थक आणि शिवसेना कार्यकर्ते यांच्यात वाद हाेऊ लागले आहेत.

गेल्या दाेन दिवस शिवसेना खासदार विनायक राऊत तसेच परिवहन मंत्री अनिल परब यांच्या निवासस्थानावर काहींनी बाटल्या फेकल्या. त्यामुळे देखील तणावाची परिस्थिती निर्माण झाली हाेती. दरम्यान प्रशासनाने सध्या जिल्ह्यात जमावबंदीचा आदेश लागू आहे. ही जमावबंदी सात सप्टेंबरपर्यंत राहणार आहे.

Edited By : Siddharth Latkar