तुम्ही पुढे या, मी तुम्हांला सगळी मदत करेन : नारायण राणे

रत्नागिरी : केंद्रीय सूक्ष्म लघु मध्यम उद्योग मंत्री नारायण राणे यांची जन आशीर्वाद यात्रा jan aashirwad yatra साेमवारी रात्री रत्नागिरी जिल्ह्यात दाखल झाली. खेडमधील नातूनगरमध्ये नारायण राणे Narayan Rane यांचे जंगी स्वागत करण्यात आले. रत्नागिरी-सिंधुदुर्गात उद्याेगांचे प्रशिक्षण केंद्र आणत असल्याची घाेषणा करीत त्याबाबतची माहिती राणे यांनी यावेळी दिली.

राणे म्हणाले सगळ्या उद्योगांचे प्रशिक्षण केंद्र येथे मिळणार असून दोनशे कोटींचा हा प्रकल्प आहे. या प्रशिक्षण केंद्रात उद्योगांची संपूर्ण माहिती व प्रशिक्षण दिले जाणार आहे. व्यवसायासाठी तुम्ही पुढे या, मी तुम्हाला सगळी मदत करेन असे अश्वासन त्यांनी यावेळी दिले.

दरम्यान यावेळी राणे यांना विविध गावातील लाेकांनी निवेदने दिली. मराठी माणसं नेहमी प्रमाणे निवेदनात फार लिहितात पण निवेदनापेक्षा कृतीमध्ये काहीतरी करा. मला सांगा... मला हाक मारा तुमच्या हाकेला मी ओ दिल्या शिवाय राहणार नाही असे आश्वासनही कोकणी माणसाला नारायण राणे यांनी दिले.

Edited By : Siddharth Latkar