Bribe Trap : सातबारा उताऱ्यासाठी ३ हजाराची लाच; तलाठी एसीबीच्‍या ताब्‍यात

तळोदा (नंदुरबार) : सातबारा उताऱ्यावर नाव लावून देण्याच्या कामासाठी तसेच नवीन नावाचा सातबारा उताऱ्यावर सही शिक्का देण्याच्या मोबदल्यात तळोदा (Taloda) तालुक्यातील अंमलपाडा येथील लोकसेवक तलाठीला ३ हजार रुपयांची लाच (Bribe) स्वीकारताना रंगेहात पकडले. नंदलाल प्रभाकर ठाकूर असे या तलाठीचे नाव आहे. त्यामुळे तालुक्यातील महसूल विभागात खळबळ उडाली आहे. (Tajya Batmya)

तळोदा तालुक्यातील अंमलपाडा येथील गाव नमुना सातबारा महसूल अभिलेखावर तक्रारदाराचे नाव नोंद करून दिले आहे. तक्रारदार यांचे नाव सातबारा उताऱ्यावर लावून द्यायचे आहे. तसेच करून दिलेल्या कामाबाबत तसेच नवीन नावाचा सातबारा उताऱ्यावर सही शिक्का देण्याच्या मोबदल्यात लोकसेवक तलाठी नंदलाल ठाकूर यांनी २६ जूनला तक्रारदार यांच्याकडून ५ हजार रुपयांच्या लाचेची मागणी केली होती.

तीन हजार स्‍वीकारताना ताब्‍यात

तडजोडीअंती ३ हजार रुपये देण्याचे ठरले होते. त्‍यानुसार सोमवारी (३ जून) ३ हजार रुपयांची रक्कम पंच साक्षीदार यांचे समक्ष लाच स्वीकारताना तलाठी नंदलाल ठाकूरला रंगेहाथ पकडण्यात आले आहे. ही कारवाई पोलीस अधीक्षक शर्मिष्ठा घारगे वालावलकर, अप्पर पोलीस अधीक्षक माधव रेड्डी, लाच प्रतिबंधक विभाग नाशिक परिक्षेत्र नाशिक यांच्या मार्गदर्शनाखाली ही कारवाई केली.