Nandurbar News : राजकारणात भाग घेतो अन् फटाके फोडतो म्हणून एकाला मारहाण; सहा जणांविरोधात गुन्हा दाखल

सागर निकवाडे 

नंदुरबार : शहादा तालुक्यातील लोणखेडा गावात एका गटातील सहा जणांनी युवकावर हल्ला करून जखमी केले आहे. शनिवारी रात्री चारचाकीतून आलेल्यांनी चौफुलीवर दहशत निर्माण करत ही मारहाण केली. गावातील राजकारणात भाग घेतो अन् फटाके फोडतो या कारणातून ही मारहाण करण्यात आली. 

लोकसभा निवडणूक निकाल तसेच त्यापूर्वी झालेल्या ग्रामपंचायतींच्या निवडणुकांवेळी लोणखेडा येथील काहींनी फटाके फोडून आनंद (Nandurbar) व्यक्त केला होता. यात गणेश ऊर्फ प्रीतम शांतीलाल पाटील याचा समावेश होता. दरम्यान गणेश पाटील हा त्याचा मित्र जितेंद्र राजू ठाकरे याच्यासोबत लोणखेडा चौफुलीवरील पानटपरीजवळ गप्पा करत उभे होते. याचवेळी वाहनातून आलेल्या सहा जणांनी गणेश पाटील याला धमकावत वाद घालण्यास सुरुवात केली. (Shahada) गणेश पाटील प्रतिकार केला असता, तू राजकारणात भाग घेतो, फटाके फोडतो, असे सांगून लोखंडी रॉड व लाकडी दांडक्याने मारहाण केली. 

सदरच्या प्रकारात मारहाणीत तरुण जखमी झाला आहे. दरम्यान या घटनेबाबत पोलिसांना माहिती देण्यात असून मारहाण करणाऱ्या सहा जणांविरुद्ध शहादा पोलीस ठाण्यात गुन्हा दाखल करण्यात आला आहे. पोलिसांकडून पुढील तपस सुरु आहे.