Shahada Police Station
Shahada Police StationSaam tv

Nandurbar News : राजकारणात भाग घेतो अन् फटाके फोडतो म्हणून एकाला मारहाण; सहा जणांविरोधात गुन्हा दाखल

Nandurbar News : लोकसभा निवडणूक निकाल तसेच त्यापूर्वी झालेल्या ग्रामपंचायतींच्या निवडणुकांवेळी लोणखेडा येथील काहींनी फटाके फोडून आनंद व्यक्त केला होता.

सागर निकवाडे 

नंदुरबार : शहादा तालुक्यातील लोणखेडा गावात एका गटातील सहा जणांनी युवकावर हल्ला करून जखमी केले आहे. शनिवारी रात्री चारचाकीतून आलेल्यांनी चौफुलीवर दहशत निर्माण करत ही मारहाण केली. गावातील राजकारणात भाग घेतो अन् फटाके फोडतो या कारणातून ही मारहाण करण्यात आली. 

Shahada Police Station
Navegaon- Nagzira : नवेगाव- नागझिरा जंगल सफारी ३० सप्टेंबरपर्यंत बंद

लोकसभा निवडणूक निकाल तसेच त्यापूर्वी झालेल्या ग्रामपंचायतींच्या निवडणुकांवेळी लोणखेडा येथील काहींनी फटाके फोडून आनंद (Nandurbar) व्यक्त केला होता. यात गणेश ऊर्फ प्रीतम शांतीलाल पाटील याचा समावेश होता. दरम्यान गणेश पाटील हा त्याचा मित्र जितेंद्र राजू ठाकरे याच्यासोबत लोणखेडा चौफुलीवरील पानटपरीजवळ गप्पा करत उभे होते. याचवेळी वाहनातून आलेल्या सहा जणांनी गणेश पाटील याला धमकावत वाद घालण्यास सुरुवात केली. (Shahada) गणेश पाटील प्रतिकार केला असता, तू राजकारणात भाग घेतो, फटाके फोडतो, असे सांगून लोखंडी रॉड व लाकडी दांडक्याने मारहाण केली. 

Shahada Police Station
Dhule Police : मोटरसायकल, बॅटऱ्या चोरी करणारी टोळी ताब्यात; मुद्देमाल केला हस्तगत

सदरच्या प्रकारात मारहाणीत तरुण जखमी झाला आहे. दरम्यान या घटनेबाबत पोलिसांना माहिती देण्यात असून मारहाण करणाऱ्या सहा जणांविरुद्ध शहादा पोलीस ठाण्यात गुन्हा दाखल करण्यात आला आहे. पोलिसांकडून पुढील तपस सुरु आहे. 

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Marathi News Saam TV
saamtv.esakal.com