Nandurbar Accident: दोन भरधाव दुचाकी एकमेकांना धडकल्या, भीषण अपघातात एकाचा जागीच मृत्यू

सागर निकवाडे,नंदुरबार

Nandurbar Accident News:

नंदुरबार जिल्ह्यातील धडगाव तालुक्यात भीषण अपघाताची घटना घडली आहे. २ दुचाकी एकमेकांना समोरासमोर धडकल्याने भीषण अपघात झाला आहे. या भीषण अपघातात एका दुचाकीस्वाराचा जागीच मृत्यू झाला आहे. तर तिघे जखमी झाले आहेत. (Latest Marathi News)

मुंगबारी फाट्यावर दुचाकीचा अपघात

मिळालेल्या माहितीनुसार, नंदुरबार जिल्ह्यातील धडगाव शहरापासून ३ किलोमीटर अंतरावर असलेल्या मुंगबारी फाट्यावर भीषण अपघात झाल्याची घटना घडली आहे. या अपघातात एकाचा जागीच मृत्यू झाला तर तिघे जखमी झाले आहेत. या अपघातात एका महिलेचा हात तुटला आहे. त्यासोबत इतर लोक गंभीर जखमी आहेत. या जखमींमध्ये एका बालकाचाही सामावेश आहे. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

जखमी प्रवासी उपचारासाठी रुग्णालयात दाखल

मुंगबारी फाट्यावर भीषण अपघात झाल्यानंतर काही लोकांनी तातडीने अपघातग्रस्तांच्या दिशेने मदतीसाठी धाव घेतली. या लोकांनी जखमींना तातडीने धडगाव ग्रामीण रुग्णालयात उपचारासाठी दाखल केलं. या अपघातामधील एकाची प्रकृती गंभीर असल्याची माहिती प्रत्यक्षदर्शीने दिली आहे.

मंत्री तानाजी सावंत यांच्या ताफ्यातील गाडीला अपघात

आरोग्यमंत्री तानाजी सावंत यांच्या ताफ्यातील गाडीला अपघात झाल्याची घटना कोल्हापुरात घडली. दोन गाड्या एकमेकांना धडकल्याने हा भीषण अपघात झाला आहे. कोल्हापूरहून ज्योतिबाला जाताना आरोग्यमंत्री तानाजी सावंत यांच्या ताफ्यातील कारचा अपघात झाला. अपघातग्रस्त कारमधील एक जण जखमी झाल्याची माहिती मिळाली आहे.

कार अपघातावर तानाजी सावंत काय म्हणाले?

कोल्हापुरात अपघात झाल्यानंतर मंत्री तानाजी सावंत यांनी 'एक्स'वर पोस्ट करत माहिती दिली. ' कोल्हापूर नियोजित दौऱ्यावर असताना माझ्या गाडीला छोटासा अपघात झाला. आई महालक्ष्मी व जोतिबाच्या तसेच राज्यातील सर्व जनतेच्या आशीर्वादाने मी व माझे सर्व सहकारी सुखरूप आहोत', अशी पोस्ट तानाजी सावंत यांनी केली.