Nandurbar News: ३२ लाखाहून अधिकचा अवैध गुटखा जप्त; नंदुरबार पोलिसांची कारवाई

सागर निकवाडे

नंदूरबार : नंदुरबार उपनगर पोलिसांनी अवैधरीत्या गुटखा पान मसाला, अमली पदार्थ वाहतूक करणाऱ्या (Nandurbar) गाडीतून गुटखा पकडला. यात ३२ लाखाहून अधिक किंमतीच्या गुटखा जप्त करण्यात आलेला आहे. (Breaking Marathi News)

नंदुरबार शहर हे गुजरात राज्याच्या हाकेच्या अंतरावर असल्याने मोठ्या प्रमाणावर गुटखा, पान मसाला अशा अमली पदार्थ नंदुरबार शहरासह जिल्ह्यात मोठ्या प्रमाणावर विक्री होत आहे. त्यामुळे पोलीस विभागाकडून पेट्रोलिंग सुरू करण्यात आले आहे. त्यामुळे एका गोपनीय बातमीदाराच्या मार्फत उपनगर पोलिसांना माहिती मिळाली होती. त्‍यानुसार नंदूरबार तालुक्यातील सुंदरदे गावाचे बसस्टॅन्डवर उभे असलेली एका चारचाकी वाहन चालकाचे विचार केले असता उडवा उडवीचे उत्तर दिली.

यानंतर पोलिसांनी वाहनाची तपासणी केली असता या वाहनात गुटखा, तंबाखूजन्य पदार्थ मिळून आला. या वाहनात तब्बल ३२ लाख ३ हजार १२० रुपयांच्या गुटखा होता. या करवाईमध्ये चालकाला ताब्यात घेण्यात आलेला आहे. तर त्यासोबत वाहन देखील जप्त करण्यात आले आहे. यांच्‍याविरुद्ध नंदुरबार उपनगर पोलीस ठाण्यात गुन्हा दाखल करण्यात आला असून, पुढील तपास पोलीस करत आहे.