सागर निकवाडे
नंदुरबार : विधानसभा निवडणुकीच्या रणधुमाळीत आता काँग्रेसने इतर राज्यातील मंत्र्यांना महाराष्ट्रात उतरवलं आहे. विशेष करून आदिवासी बहुल भाग असलेल्या उत्तर महाराष्ट्राची विशेष जबाबदारी तेलंगणाच्या ग्रामविकास मंत्री धनश्री सिताक्का यांना देण्यात आली असून उमेदवार निवडून देण्याची जबाबदारी देण्यात आली आहे.
विधानसभा निवडणुकीतील (Vidhan Sabha Election) चुरस आता दिवसेंदिवस वाढत चालली आहे. प्रचार शिगेला पोहचला असून अनेक ठिकाणी काट्याची टक्कर पाहण्यास मिळत आहे. आपले उमेदवार निवडून आणण्यासाठी प्रत्येक पक्ष जोरदार तयारीत आहे. त्यानुसार काँगेसने (Congress) देखील आदिवासी असल्यामुळे सिताक्का यांना या आदिवासीबहुल भागाची विशेष जबाबदारी देण्यात आलेली आहे. अर्थात सिधाक्का या उत्तर महाराष्ट्रात पुढील दिवसात प्रचारात उतरणार आहेत.
३५ उमेदवार निवडून येण्याचा विश्वास
भाजप या राज्यात फोडाफोडीचे राजकारण करत आहे. तर दुसरीकडे भाजप सरकार हे अदानी आणि अंबानी यांना मोठा करत आहे. मात्र आदिवासी बांधव हे सजग असून ते नेहमी काँग्रेसच्या सोबत आहेत. या विधानसभा निवडणुकीत देखील आदिवासी बांधव हे मोठ्या प्रमाणात काँग्रेस सोबत असून तर महाराष्ट्रातील ३५ च्या ३५ उमेदवार हे निवडून येतील; असा विश्वास तेलंगणाच्या ग्रामविकास मंत्री सिताक्का यांनी बोलताना व्यक्त केला आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.