Nandurbar News: बालविवाह होण्यापूर्वीच पोलीस पोहोचले लग्न मंडपात

बालविवाह होण्यापूर्वीच पोलीस पोहोचले लग्न मंडपात
Nandurbar News Child Marriage
Nandurbar News Child MarriageSaam tv

नंदुरबार : सिसा पाडली (ता. धडगाव) येथील बालविवाह ३० मे २०२३ रोजी होणार होता. त्यापूर्वीच ऑपरेशन अक्षताच्या (Nandurbar) पथकाला माहिती मिळाली. त्यांनी लग्न लागण्यापूर्वीच मंडपात जात बालविवाह (Child Marriage) थांबविला. दोन्ही कडील पालकांचे समुपदेशन करून त्यांना सज्ञान झाल्‍यावरच मुलगा-मुलीचा विवाह करण्याचा सल्ला दिला. (Latest Marathi News)

Nandurbar News Child Marriage
Jalna News: महिला कुस्तीपट्टूंना पाठींबा; जालन्यात खेळाडू, क्रीडा शिक्षकांचे आंदोलन

एका नागरिकाने फोनकरुन धडगांव पोलीस ठाणे हद्दीतील सिसा पाडली गावात ३० मे रोजी एका अल्पवयीन मुलीचा विवाह होणार असल्‍याची माहिती दिली. सदर घटनेची माहिती धडगांव पोलीस ठाण्याचे पोलीस निरीक्षक इशामोद्दीन पठाण यांनी नंदुरबार जिल्ह्याचे पोलीस अधीक्षक पी. आर. पाटील यांना कळविली. यानंतर धडगांव पोलीस ठाण्याचे पोलीस निरीक्षक इशामोद्दीन पठाण यांनी अक्षता सेलच्या सदस्यांच्या मदतीने माहिती काढली असता सिसा पाडली गावातील अल्पवयीन मुलीचा विवाह (Marriage) गावातीलच तरुणासोबत ३० मे रोजी सायंकाळी होणार होता.

Nandurbar News Child Marriage
Sambhajinagar News: शेताच्‍या वादावरून कुटुंबात राडा; ट्रॅक्टर अंगावर घालून जीवे मारण्याचा प्रयत्न, दोन गंभीर

दोन्‍ही कुटुंबांना नोटीस

धडगांव पोलीस ठाण्याच्‍या पथकाने मुलीच्या घरी जावून अल्पवयीन मुलगी, वर मुलगा, त्यांचे कुटुंबीयांचे व गावातील नागरिक यांना कायदेशीर बाबी समजावून सांगून त्यांचे समुपदेशन केले. अल्पवयीन मुलीच्या व वर मुलाच्या पालकांना सदरची बाब पटल्याने त्यांनी मुलीचे वय १८ वर्षे पूर्ण झाल्यानंतरच विवाह करणार असल्याची हमी दिली. तसेच अल्पवयीन मुलगी व वर मुलाच्या पालकांना धडगांव पोलीस ठाण्याकडून कायदेशीर नोटीस देण्यात आली आहे.

Read the latest Marathi news and watch Live Streaming on Saam TV. Breaking news from Maharashtra, India, Pune, Mumbai, Politics, Entertainment, Sports, Lifestyle, Jobs, and Education at Saam TV. Get Live Marathi news on Mobile. Download the Saam Tv Marathi news Channel app for Android and IOS.

साम आता सर्व सोशल मीडिया प्लॅटफॉर्मवर. ताज्या घडामोडींसाठी फेसबुकट्विटर, इन्स्टाग्राम, शेअर चॅट आणि टेलिग्रामवर आम्हाला फॉलो करा. तसेच, साम टीव्हीच्या यूट्यूब चॅनेलला आजच सबस्क्राइब करा.

Related Stories

No stories found.
Saam Marathi News
saamtv.esakal.com