सागर निकवाडे
नंदुरबार : नंदुरबार जिल्ह्यातील १२३ ग्रामपंचायतींच्या निवडणुका पार पडल्‍या आहेत. थेट सरपंचाची निवड झाल्यानंतर आता या ग्रामपंचायतसाठी उपसरपंच निवडणुकीचा (Election News) कार्यक्रम जाहीर झाला आहे. ९ ते १३ जानेवारी दरम्यान जिल्ह्यातील ग्रामपंचायतींच्या उपसरपंचांची निवड केली जाणार आहे. (Maharashtra News)
जिल्हा प्रशासनाच्यावतीने (Nandurbar News) यासाठीचे आदेश काढले असून उपसरपंच निवडणुकीसाठी ग्रामीण भागातील (Gram Panchayat) राजकीय वातावरण तापण्यास सुरुवात झाली आहे. सरपंचाची निवडणूक थेट जनतेतून असल्याने अनेक गावात सरपंच एका पक्षाचा तर बहुमत दुसऱ्या पक्षाकडे असे चित्र आहे. त्या गावातील उपसरपंच निवडणूक चुरशीच्या होत आहेत.
उपसरपंचाचे उमेदवार सहलीलाही
अनेक ठिकाणी राजकीय घडामोडींना वेग आला असून आपल्या पॅनलमधून निवडून आलेल्या सदस्यांना उपसरपंच निवडणुकीसाठी सहलीलाही पाठविण्यात आले आहे. त्यामुळे ग्रामपंचायती ताब्यात ठेवण्यासाठी सर्वच राजकीय पक्ष आणि राजकीय नेते लक्ष ठेवून आहेत.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.