Nandurbar News: दारूच्‍या गोडाऊनवर छापा; ८९ लाखाचा मुद्देमाल जप्त, नवापूर पोलीसांची कारवाई

सागर निकवाडे

नंदूरबार : नंदुरबार जिल्ह्यातील नवापूर शहरातील गणेश हिल भागात रविवारी मध्यरात्री अवैध दारूचे गोडाऊन विशेष पोलीस महानिरीक्षक व (Navapur) नवापूर पोलीसांनी उध्वस्त केले. या कारवाईत एकूण ८९ लाखाचा अवैध दारू साठा जप्त करण्यात (Nandurbar News) आला आहे. तर १७ आरोपींची धरपकड करण्यात आली आहे. (Tajya Batmya)

गुजरात राज्यांमध्ये दारूबंदी असल्याने मोठ्या प्रमाणात नंदुरबार जिल्ह्यातून दारूचा सप्लाय करण्यात येतो. नवापूर शहर दारूचे आगार बनले असून दारूबंदी करण्यास राज्य उत्पादन शुल्क विभागाचे अक्षम्य दुर्लक्ष दिसून येत आहे. विशेष पोलीस महानिरीक्षक पथक आणि नवापूर पोलिसांनी दारूचे गोडाऊन उध्वस्त केले असले तरी इतर दारू तस्करांची धरपकड करून दारूचे तस्करांचे अड्डे उद्ध्वस्त करणे गरजेचे आहे.

वाहनांसह रोकड जप्‍त

पोलिसांच्‍या कारवाईत ९ मोटरसायकल १७ चारचाकी वाहने, पाच लाख ७० हजार रूपयांचा देशी विदेशी दारूसाठा जप्त करण्यात आले आहे. तसेच २ लाख ७८ हजार रूपयांची रोकड जप्त करण्यात आली आहे. सतरा वाहनांपैकी १५ वाहनांची सीट ही दारू तस्करीसाठी काढण्यात आलेली होती.