नंदुरबार जिल्ह्यातील नवापूर तालुक्यातील एका शेतकऱ्याचे शेततळे अनुदान मंजूर करण्यासाठी तालुका कृषी अधिकारी कार्यालयातील मंडळ कृषी अधिकाऱ्याने लाच २५ हजारांची लाच मागीतली होती. या प्रकरणी नंदुरबार लाच लुचपत प्रतिबंधक विभागाने कारवाई करत संबंधित अधिकाऱ्याला ताब्यात घेतलं आहे.
नवापूर तालुक्यातील तक्रारदार यांच्या पत्नीच्या नावावर असलेले शेततळ्याचे अनुदान मिळवून देण्यासाठी 20 फेब्रुवारी 2024 रोजी 25 हजारांची लाचेची मागणी करून तडजोडीअंती 20 हजारांची मागणी केल्याप्रकरणी आज कारवाई करण्यात आली आहे.याप्रकरणी कृषी मंडळ अधिकारी,सागर अशोक अहिरे वय 33, याला नंदुरबार लाचलुचपत प्रतिबंधक विभागाच्या पथकाने ताब्यात घेतले आहे. त्याचा विरोधात नवापूर पोलीस ठाण्यात गुन्हा दाखल करण्यात आला आहे.
नवापूर तालुक्यात तहसीलदार, नायब तहसीलदार, पोलीस निरीक्षक, या बड्या अधिकाऱ्यासह लाचेची मागणी, लाच घेणे अशी प्रकरणे वाढत असून आता तालुका कृषी कार्यालयात देखील भ्रष्टाचार वाढत चालला आहे. भ्रष्टाचाराचा सामना बळीराजाचा देखील करावा लागत आहे. नवापूर तालुक्यातील कोणताही शासकीय अधिकारी कर्मचारी पैशांची मागणी करत असेल तर त्यासंदर्भात थेट नंदुरबार लाचलुचपत प्रतिबंधक विभागाशी संपर्क करावा. असे आवाहन करण्यात आले आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.