Nandurbar Shutdown : नंदुरबार जिल्हा पूर्णपणे बंद; आदिवासी समुदायाच्या विविध मागण्यासाठी बंदची हाक

सागर निकवाडे 

नंदुरबार : अनुसूचित जाती जमाती आरक्षण संदर्भात नुकताच सर्वोच्च न्यायालयाचा निकाल आला असून जाती-जमातींच्या विविध संघटना संविधान आणि आदिवासी हक्क अधिकार बचाव बाबत संपूर्ण भारत बंदची हाक दिली आहे. या बंदला नंदुरबार जिल्ह्यातून शंभर टक्के प्रतिसाद मिळत आहे. 

नंदुरबार (Nandurbar) जिल्हा हा आदिवासी बहुल जिल्हा मानला जातो. यामुळे जिल्ह्यात संपूर्णपणे बंद पुकारण्यात आला आहे. अनुसूचित जाती जमाती आरक्षण संदर्भात सर्वोच्च न्यायालयाचा निकाल आला आहे. जाती-जमातींच्या विविध संघटना संविधान आणि आदिवासी हक्क अधिकार बचाव बाबत संपूर्ण भारत बंदची (Bharat Band) हाक दिली आहे. यानुसार नंदुरबार जिल्ह्यातील आदिवासी समुदायाच्यावतीने देखील आज नंदुरबार जिल्हा बंदची हाक दिली होती. 

बंदला व्यापाऱ्यांनी देखील स्वैच्छने आपले आस्थापन बंद ठेवून समर्थन दिले आहे. तसेच नंदुरबार जिल्ह्यातील ६ तालुक्यांमध्ये कडकडीत असा बंद पाहायला मिळत आहे. बंद दरम्यान कुठलाही अनुचित प्रकार घडू नये; यासाठी मोठा पोलीस बंदोबस्त देखील तैनात करण्यात आला आहे. दरम्यान या आठवडाभरात नंदुरबार जिल्ह्यात दोन वेळेस बंद पुकारण्यात आला आहे.