Nandurbar: मोरकरंजा गावात बिबट्याची दहशत; गावात भीतीचे वातावरण

नंदुरबार : नवापूर तालुक्यातील पुर्व पट्ट्यातील मोर करंजा, पानबारा, बर्डीपाडा, उचीशेवढी, जामनपाडा खोकसा, दापूर हे गाव अगदी डोंगराच्या (Nandurbar News) पायथ्याशी असल्याने वन्य प्राण्यांचा नेहमीच वावर असतो. यामुळे या भागातील नागरिकांमध्ये भीतीचे वातावरण आहे. यात मोरकरंजा गावात रात्री बिबट्याचे (Leopard) दर्शन झाल्‍याने गावात दहशत अधिकच पसरली. (Breaking Marathi News)

धुळे (Dhule), नंदुरबार जिल्ह्याच्या सीमेलगत असलेला कोंडाईबारी घाट रस्ता व डोंगरात जंगल मोठ्या प्रमाणावर असल्याने वनविभागाचे (Forest Department) अधिकारी इतर ठिकाणी नागरिकांना त्रासदायक असलेले बिबटे तसेच इतर वन्य प्राणी पकडून कोंडाईबारी घाटातील जंगलात सोडून जात असल्याचा आरोप देखील नागरिकांनी केला आहे. या ठिकाणी असलेल्या जंगलाच्या अधिवासात वन्यप्राणी सुरक्षित राहतील; या उद्देशाने वनविभागाने सोडलेले वन्य प्राणी डोंगराच्या पायथ्याशी असलेल्या वस्त्यांमध्ये येत असल्याने नागरिकांसाठी धोकेदायक ठरत असल्याने वनविभागाने उपाययोजना करण्याची मागणी नागरिकांकडून केली जात आहे.

जंगल परिसरात गस्‍त

नवापूर तालुक्याच्या सुरुवातीला असलेले पहिले गाव मोरकरंजा गावात रात्री साडेदहा वाजता हनुमान मंदिराजवळ बिबट्याने दर्शन दिल्याने नागरिकांमध्ये भीतीचे वातावरण आहे. याबाबत वन विभागाने उपाययोजना करण्याची मागणी नागरिकांकडून केली जात आहे. चिंचपाडा वनपरिक्षेत्रांतर्गत कार्यरत वनविभागाच्या कर्मचाऱ्यांकडून बिबट्याने दर्शन झालेल्या जंगल परिसरामध्ये गस्त सुरू असल्याची माहिती वनविभागाकडून देण्यात आली आहे.