जालना : एका 65 वर्षीय वृद्धाने अल्पवयीन मुलीवर अत्याचार केल्याची घटना जालना जिल्ह्यातल्या परतूर (Partur) शहरात घडली आहे. सदर पिडीत अल्पवयीन मुलगी दोन महिन्यांची गरोदर असल्‍याची धक्कादायक (Crime News) बाब देखील समोर आली आहे. (Letest Marathi News)
जालना (Jalna) जिल्ह्यातल्या परतूरमध्ये एका ६५ वर्षीय वृद्धाने १४ वर्षीय अल्पवयीन मुलीवर अत्याचार केल्याची घटना घडलीय. मुलगी दोन महिन्यांची गरोदर राहिल्याने ही धक्कादायक बाब समोर आली आहे. त्यामुळे शहरात एकच खबळ उडाली आहे. बशीर पाशा देशमुख नराधम आरोपीचे नाव आहे. शहरात एक अल्पवयीन मुलगी तिच्या वडिलांसोबत नेहमी मोंढ्यात जात होती. तिथे बशीर नावाच्या व्यक्तीने या अल्पवयीन मुलीला चॉकलेट देत मुलीशी जवळीक वाढवली.
चॉकलेटचे आमिष दाखवत वारंवार अत्याचार
शहरातीलच एका खोलीत त्या मुलीला चॉकलेट देण्याच्या आमिषाने घेवून गेला आणि त्याठिकाणी तिच्यावर अत्याचार केला. त्यानंतर तिला कुणाला काही सांगितल्यास जिवे मारण्याची धमकी देत त्याने वारंवार तिच्यावर अत्याचार केला. त्यामुळे ही मुलगी दोन ते तीन महिन्यांची गरोदर झाल्याने ही धक्कादायक घटना समोर आल्यानंतर पीडित मुलीने वडिलांसोबत परतूर पोलिसात धाव घेऊन या नराधमाविरुद्ध गुन्हा दाखल केला. दरम्यान आरोपी नराधमाला पोलिसांनी अटक केली आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
