Hingoli News : हिंगोली शहरात येणारा महामार्ग पुढील दोन महिन्यांसाठी वाहतुकीस बंद

Hingoli News : हिंगोली शहरातील खटकाळी रेल्वे ब्रिज पुढील दोन महिने वाहतुकीसाठी बंद करण्यात आला आहे. त्याबाबतचा आदेश जिल्हाधिकारी जितेंद्र पापळकर यांनी काढला आहे. वाहनधारकांना पर्यायी रस्ता उपलब्ध करून देण्यात आल्याची माहिती पोलिस प्रशासनाने दिली आहे. (Hingoli Latest Marathi News)

हिंगोली शहरातील खटकाळी रेल्वे ब्रिजचे काम दोन वर्षांपासून सुरू आहे. आता या ब्रिजचे काम अंतिम टप्प्यात आले आहे. मात्र रेल्वे क्रॉसिंग गेटवर या कामातील महत्त्वाचा टप्पा पूर्ण करावयाचा असल्याने कंत्राटदाराने येथील रस्ता वाहतुकीसाठी बंद करण्याची मागणी हिंगोली जिल्हा प्रशासनाकडे लेखी स्वरुपात केली हाेती. (Maharashtra News)

हे काम लवकर पुर्ण व्हावे यासाठी जिल्हाधिकारी जितेंद्र पापळकर यांनी हिंगोली शहरातील खटकाळी रेल्वे ब्रिज आजपासून पुढील दोन महिने वाहतुकीसाठी बंद ठेवण्याचा आदेश पारित केला आहे. दरम्यान वाहतुकीसाठी वाहनधारकांना पर्यायी रस्ता उपलब्ध करून देण्यात आल्याची माहिती पोलिस प्रशासनाने दिली आहे. वाहनधारकांनी (citizens) शिस्तीचे पालन करावे असे आवाहन पाेलिसांनी केले आहे.

Edited By : Siddharth Latkar