Warkari : वारकऱ्यांच्या दिंडीत माहूलीतील कार घुसली; तिघे जखमी, साता-याच्या वाहन चालकावर गुन्हा दाखल

Sangli News : सांगली जिल्ह्यातील आटपाडी तालुक्यातील दिघंची येथे मंगळवारी सायंकाळी पंढरपूरच्या दिशेने जाणाऱ्या दिंडीला पाठीमागून एका चार चाकीने टक्कर दिल्याने तीन वारकरी जखमी झाले. या घटनेच्या वेळेस समोरून येणाऱ्या दुचाकीला चुकवण्याच्या प्रयत्नात कारचालकाचा अंदाज चुकल्याने ही दुर्घटना घडली अशी प्राथमिक माहिती मिळाली आहे. (Sangli Latest Marathi News)

या घटनेत भीमराव पांडुरंग जाधव, धनाजी राजाराम मोहिते आणि शिवाजी मारुती मोहिते हे तिघे जण जखमी झाले आहेत. या सर्वांना पुढील उपचारासाठी सांगली येथील भारती हॉस्पिटलमध्ये दाखल करण्यात आले आहे. (Breaking Marathi News)

हे सर्वजण मोहिते वडगाव तालुका कडेगाव येथील आहेत. अपघातग्रस्त वाहन हे माहुली येथील आहे. ते सोलापूरला (solapur) जात होते. वाहन चालक भानुदास थोरात हे सातारा जिल्ह्यातील खटाव तालुक्यातील आहेत. आटपाडी पोलिसांनी (police) घटनास्थळी भेट देऊन घटनेचा पंचनामा केला. या अपघाताची नाेंद पोलीस ठाण्यात झाली आहे. (Maharashtra News)

Edited By : Siddharth Latkar