घरावर आदळला भलामोठा दगड; नंदुरबारमधील रात्रीची घटना

नंदुरबार : शहरातील वाघेश्वरी टेकडी परिसरातून मोठा दगड घरावर आदळल्याने घराचे नुकसान झाले असून यात एक महिला जखमी झाली आहे. पोलीस कर्मचारी घटनास्थळी दाखल झाले आहेत. आणखी एक दगड खाली येण्याची शक्यता वर्तविण्यात आली आहे. (nandurbar-news-large-stone-hit-the-house-Night-incident-in-Nandurbar)

नंदुरबार शहरात मंगळवारी सायंकाळपासून पावसाने जोरदार हजेरी लावली आहे. नंदुरबार शहरातील वाघेश्वरी टेकडी परिसरातून रात्री सुमारे दहा वाजेच्या दरम्यान धुळे चौफुली टेकडीवर राहणारे पप्पू गवळी यांचा घरावर भोला मोठा दगड घराच्या भिंतीवर आदळल्याने घराचे नुकसान झाले.

जीवितहानी टळली

रात्री घरात सर्वजण झोपेत असताना सदर घटना घडली. सुदैवाने यात जीवितहानी झालेली नाही. मात्र एक महिला जखमी झाली आहे. सदर टेकडीवरून आणखी एक मोठा दगड खाली येण्याची शक्‍यता असल्याने पोलिस प्रशासन घटनास्थळी दाखल झाले असून दगड हटवण्याचे काम सुरू आहे.