Nandurbar Mahayuti : नंदुरबारमध्ये महायुतीचा वाद पुन्हा चव्हाट्यावर; भाजप आमदाराकडून शिंदे गटाच्या आमदारावर गंभीर आरोप

सागर निकवाडे 

नंदुरबार : नंदुरबार जिल्ह्यात महायुतीतील वाद पुन्हा एकदा समोर आला आहे. भाजपचे आमदार यांनी शिंदे गटाच्या आमदारावर गंभीर आरोप केले आहेत. यामुळे आगामी स्थानिक स्वराज्य संस्थांच्या निवडणुकीवर याचा परिणाम होण्याची शक्यता नाकारता येत नाही. या निवडणूका लक्षात घेता हा वाद कितपत पेटतो कि वरिष्ठ स्तरावरून समेट घडविली जाईल; हे पाहणे महत्वाचे राहील.  

नंदुरबार भाजप आमदार विजयकुमार गावित व शिंदे गटाचे आमदार चंद्रकांत रघुवंशी यांच्यातील हा वाद आहे. यापूर्वी देखील दोन्ही आमदारांनी एकमेकांवर आरोप केले होते. यानंतर दोघांमधील वाद पुन्हा पेटण्याची शक्यता निर्माण झाली आहे. कारण भाजप आमदार विजयकुमार गावित यांनी शिंदे गटाचे आमदार चंद्रकांत रघुवंशी हे आदिवासींच्या जमिनी हडप करत असल्याच्या आरोप केला आहे. 

निवडणुकीत महायुतीला कधीच मदत नाही 

तसेच आमदार चंद्रकांत रघुवंशी हे नेहमी विकासाच्या योजना बंद पाडण्यात आग्रही राहत असतात. इतकंच नव्हे तर गोरगरिबांनी आदिवासींच्या जमीन हडप करण्याचे पाप हे करत आहे. ज्यावेळेस विकासाच्या चांगल्या योजना आम्ही लोकांपर्यंत पोहोचवतो. त्यावेळेस महायुती दिसते. परंतु निवडणुकीसाठी महायुतीला कधीच मदत करत नाही; असा देखील गंभीर आरोप डॉ. गावित यांनी केला आहे. 

अनेक वर्षांपासूनचा वाद 

दरम्यान डॉ. गावित आणि रघुवंशी यांच्यातील वाद गेल्या अनेक वर्षापासून सुरू आहे. जिल्ह्यात महायुतीचे आमदाराची एकमेकांवर गंभीर स्वरूपाचे आरोप एकमेकांवर करत असून, विजयकुमार गावित यांनी चंद्रकांत रघुवंशी यांच्यावर जमीन आणि महाविद्यालय हडप करण्याच्या आरोप केला आहे. त्यामुळे या आरोपाला आता चंद्रकांत रघुवंशी कशा पद्धतीने उत्तर देता हे पाहणं महत्त्वाच्या ठरणार आहे.