![Nandurbar News](http://media.assettype.com/saamtv%2F2023-09%2F06df602f-bbba-4e6c-9a69-50dde734db5c%2FSaam_TV___2023_09_22T134303_932.jpg?rect=0%2C0%2C1200%2C675&w=480&auto=format%2Ccompress&fit=max)
सागर निकवाडे
नंदुरबार : नवापूर तालुक्यातील पानबारा गावानजीक राष्ट्रीय महामार्ग क्रमांक सहावर सकाळी साडेनऊच्या सुमारास ट्रकला भीषण आग (Fire) लागल्याची घटना घडली. ट्रकमध्ये ज्वलनशील पावडर होती. यावेळी (Navapur) शॉर्टसर्किट झाल्याने ट्रकने अचानक पेट घेतला. यामुळे महामार्गावर धावपळ उडाली. (Live Marathi News)
पानबारा (ता. नवापूर) येथे महामार्गावर राईस मिलच्या समोर गुजरातहुन रायपुर ज्वलनशील पावडर घेऊन ट्रक जात होता. या दरम्यान ट्रकमधील बॅटरीत शॉर्टसर्किट झाल्याने ट्रेकला आग लागली. यामुळे महामार्गावर मोठी धावपळ उडाली. नागरिकांनी मिळेल त्या साधनाने आग विझवण्याचा प्रयत्न पानबारा गावाचे ग्रामस्थांनी केली. त्यानंतर ग्रामस्थांनी पोलीस मदत केंद्र येथे संपर्क करून पोलिसांना याबाबत माहिती दिली यावेळी तात्काळ पोलीस घटनास्थळी दाखल झाली.
मोठा अनर्थ टळला
पोलिसांनी महामार्गावरील म्हात्रे कंपनीला संपर्क करून तात्काळ पाण्याचा भरलेला टँकर त्या ठिकाणी मागवला आणि आग नियंत्रणात आणण्याचा प्रयत्न केला. आग केबिनला लागल्यामुळे ट्रकची केबिन पूर्णतः जळून खाक झाली. सुदैवाने ट्रकमध्ये भरलेला ज्वलनशील पावडरला आग न लागल्याने मोठा अनर्थ टळला. अन्यथा मोठा स्फोट झाला असता.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.