सागर निकवाडे
नंदूरबार : आगामी लोकसभा निवडणुकीचे वारे वाहू लागले आहेत. भाजपकडून उमेदवार जाही झाले असून काँग्रेसने (Congress) देखील आपले उमेदवार जाहीर करण्यास सुरवात केली असून यात नंदुरबारमध्ये गोवाल पाडवी यांना उमेदवारी जाहीर केल्याने (Nandurbar) नंदुरबार लोकसभेसाठी भाजपचे खासदार डॉ. हिना गावित आणि काँग्रेसचे गोवाल पाडवी यांच्यात लढत होणार आहे. (Maharashtra News)
नंदुरबार जिल्हा हा काँग्रेसचा पारंपारिक बालेकिल्ला राहिलेला आहे. मात्र गेल्या दहा वर्षापासून नंदुरबार जिल्ह्यात भाजपचे (BJP) वर्चस्व राहिले आहे. त्यामुळे खासदार हिना गावित (Hina Gavit) या गेल्या दहा वर्षापासून नंदुरबार जिल्ह्याच्या खासदार आहेत. दरम्यान काँग्रेसचे नेते खासदार राहुल गांधी हे नुकताच नंदुरबार जिल्ह्यात येऊन गेले आहेत. यानंतर काँग्रेसने जाहीर केलेल्या सात उमेदवारात नंदुरबार लोकसभेसाठी (Lok Sabha Election) गोवाल पाडवी यांचे नाव जाहीर केले आहे. यामुळे आता खासदार हिना गावित यांच्या विरोधात काँग्रेसचे नवीन उमेदवार गोवाल पाडवी यांचा आमना सामना पाहण्यास मिळणार आहे.
('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)
पाडवी प्रथमच निवडणुकीच्या रिंगणात
खासदार हिना गावित यांच्याकडे दहा वर्षाच्या राजकारणाच्या अनुभव आहे. तर काँग्रेसचे उमेदवार गोवाल पाडवी यांची कुठलीही राजकीय पार्श्वभूमी नाही आहे. मात्र गोवाल पाडवी यांचे वडील के. सी. पाडवी गेल्या ३० वर्षापासून आमदार म्हणून निवडून येत आहेत. त्यामुळे हिना गावित यांना गोवाल पाडवी कशा पद्धतीने आव्हान देणार हे पाहणं आता महत्त्वाच्या ठरणार आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.