Nandurbar Crime: वृद्धावर हल्ला करत जबरी चोरी, रोख रकमेसह तब्बल २५ तोळे सोने लंपास; नंदुरबार शहरात खळबळ

सागर निकवाडे, प्रतिनिधी

Nandurbar Crime:

नंदुरबार जिल्ह्यातून एक धक्कादायक बातमी समोर आली आहे. शहरातील उपनगर पोलीस स्टेशनच्या हद्दीत वयोवृद्ध नागरिकावर हल्ला करत जबरी चोरी केल्याचा प्रकार समोर आला आहे. यामध्ये 25 तोडे सोने आणि रोख रक्कम लंपास केली आहे. (Crime News In Marathi)

याबाबत सविस्तर माहिती अशी की, नंदुरबार शहरातील उपनगर पोलीस स्टेशनच्या हद्दीत असणाऱ्या शिंधी कॉलनी परिसरात पहाटे तीन वाजता जबरी चोरीची घटना घडली. चोरट्यांनी घरात प्रवेश करत वयोवृद्ध नागरिकावर हल्ला करत गंभीर जखमी केले आहे.

कपाटावर डल्ला मारत 25 तोळे सोने आणि रोख रक्कम लंपास केल्याची घटना घडल्याने शहरात एकच खळबळ उडाली आहे. गणेशोत्सवाच्या काळात घडलेल्या चोरीच्या घटनेने नागरिकांमध्ये भीतीचे वातावरण पसरले आहे.

याबाबतची माहिती मिळताच जिल्ह्यातील वरिष्ठ पोलीस अधिकारी आणि गुन्हे शोध पथकाने घटनास्थळी भेट दिली. या प्रकरणी पोलिसांनी तपासकार्यास सुरूवात केली असून चोरट्यांच्या तपासासाठी विविध पोलिस पथक रवाना झाली आहेत. जिल्ह्यात वाढत्या चोरीच्या घटनांमुळे नागरिकांमध्ये भीतीचे वातावरण पसरले असून चोरांचा तपास करण्याचे मोठे आवाहन पोलिसांसमोर आहे. (Latest Marathi News)